اسلام آباد۔25مئی (اے پی پی): وزیر ءِ درئی کار شاہ محمود قریشی ءَ گوشت کہ پاکستان ءَ یونائیٹڈ نیشن ءِ جنرل اسمبلی ءُ دومی میاں اوستمانی فورمز آنی سر ءَ فلسطین ءِ جیڈھ ءُ اسرائیلی ظلم آناں جوانیں نمونگ ءَ سہرا کتگ، تاں وھد ءِ فلسطین ءِ جیڈھ گیوار مہ بیت ھما وھد ءَ تاں ، روبرکتی نیامجی ءَ ایمنی برجا بوت نہ کنت، بنی آدمی جان آنان رکھینگ ءُ میاں اوستمانی الس ءَ را ءَ دلگوش کنگ ءُ یکجائی ءَ گومگیج کنگ لوٹ ایت، جنرل اسمبلی ءِ صدر 27 مئی ءَ پاکستان ءِ تر ءُ تاب ءَ کنت، بنی آدمی یکوئی ءِ بنیات ءَ فلسطینی برات آنی واستہ کمک روان دینت، پاکستان اوگانستان ءَ ایمنی ءِ برجائی ءِ واستہ آسراتی پجاری کنگ ءَ انت، اوگانستان ءَ ایمنی، دیمروئی ءُ وشھالی ءِ واھشت ایگ انت۔ مزن وزیر عمران خان ءِ استی ءَ اچ امریکی اڈہ پاکستان ءِ سرڈگار ءَ جوڑ نہ بیت۔ ما سہرا کتگ کہ ڈرون ارش سگگ ہ بیت ، مرچی پاکستان مھکمیں پنجگ آنی تہ ءَ انت۔ سئے شمبے ءَ ایوان ءِ بالا ءَ فلسطین ءِ جاور ھال آنی لسر ءَ پالیشی بیان ءَ دیان ءَ وزیر ءِ درئی کار ءَ گوشت کہ یونائیٹڈ نیشن ءِ جنرل اسمبلی ءِ زوتیں دیوان ءَ پاکستان ءِ سروکی ءَ کنان ءَ آئی ملک ءِ لیکہ ءَ را پیش کتگ ءُ ما یک یکجائی گامگیج ءِ وتی کتگ ایشی ءِ پد ءَ او آئی سی ، عرب گروپ ءُ درئی تحریک ءِ باسک آنی شگر ءُ منت گراں، آئیءَ یکجائی دزبندی ءِ وسیلگ ءَ فلسطین ءِ جاور ھال آنی سر ءَ دلگوش کنائینگ ءُ یونائیٹڈ نیشن ءِ جنرل اسمبلی لءِ ھاسیں دیوان گوانک جنگ ءِ واستہ جنرل اسمبلی ءِ صدر ءَ گوں دلگوش کت۔ وزیر ءِ درئی کار ءَ گوشت کہ سلامتی کونسل ءِ چار دیوان بوتگ بلے درست گڈی آسر ءَ سر نہ بوتگ انت، چین ءِ وزیر ءِ درئی کار ءِ ھم شگر ءُ منت کہ آئی ءَ سلامتی کونسل ءِ دیوان ءِ سروکی کتگ ءُ چین ءَ اے جیڈھ ءِ ارزشت ءَ را پھم اتگ ءُ آرا آھوادا آرا روان داتگ۔ سلامتی کونسل ءِ صدر ءَ گوں منی گند ءُ نند بوتگ۔ مزن وزیر عمران خان ءِ استی ءَ پاکستان ءِ سرڈگار ءِ سر ءَ اچ امریکہ اڈہ جوڑ نہ بیت، نہ کہ ڈرون ارش ءُ وکی لیکس وڑیں چیز دیم ءَ سہرا بیت۔ مزن وزیر ءِ پنت ءُ شون ءِ پد ءَ ءُ کابینہ ءِ پالیشی ءِ رد ءَ اے سہرا کنگ ءَ آں کہ پاکستان مرچی مھکمیں پنجگ آنی تہ ءَ اِنت۔
