اسلام آباد۔25مئی (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ ملک معاشی رنگ ءَ برجائی ءِ نیمگ ءَ جنزگ ءَ انت، الیکٹرانک ووٹنگ مشین تحریک انصساف ءِ گچین کاری گہتری کار آںی بھر انت، اوورسیز پاکستنای آنی ووٹ ءِ ھک دیگ تحریک انصاف ءِ ایجنڈا انت، اوورسیز پاکستنای آناں راجی رد ءَ ھمگام کنگ ءِ واستہ الیکشن کمیشن گامگیج بکنت، بنجاھی کابینہ ءَ کارونا ءِ مقابلہ ءِ واستہ بوسنیا ءَ را طبی کمک ءُ درمان روان دیگ ءِ پیسلہ کتگ، سی پیک ءِ ھوالگ ءَ مںصوبگ آنی تہ ءَ سرمایہ کاری ءِ واھشت مندیں چینی شہیری ءِ واستہ ویزا ءِ ھاسیں کار رپک ءِ منظوری دیگ بوت۔ کابینہ ءِ دیوان ءَ کنٹونمنٹ بورڈ ءِ گچین کاری کنائینگ ءِ منظوری ءَ ابید پی ٹی وی ءِ نوکیں برڈ ءِ جوڑیشت ءِ منظوری دیگ بوت، سیکرٹری اھوالکاری بورڈ ءِ چیئرپرسن وھدیکہ ڈائریکٹر جنرل ریڈیو ءُ پرنسپل انفارمیشن اپسرگ بورڈ ءِ باسک بنت انت۔ کابینہ ءِ دیوان ءَ این ٹی ڈی سی ءِ ایم ڈی ءِ ادارُکی زمہ واری محمد ایوب ءَ را دیگ ءِ ھم منظوری دیگ بوت۔ پاکستان ءِ تاریخ ءَ کابینہ ءِ درستاں چہ گیش دیوان انوگیں دور ءِ حکومت ءَ بوتگ انت۔ ووڑ ءَ را شرپ دیگ ءِ نھردگ ءَ جنوک آنی دور ءُ باریگ ءَ سئے سال ءَ ایوک ءَ 23 دیوان بوتگ، کابینہ ءَ فلسطین ءُ کشمیر ءِ جیڈھ ءَ را میاں اوستمانی تک ءَ سہرا کنگ ءِ پد ءَ وزیر ءِ درئی کار ءُ آئی ٹیمب ءِ کوشست آناں ساڑات۔ سئے شمبے ءَ مزن وزیر عمران خان ءِ سروکی ءَ بنجاھی کابینہ ءِ دیوان ءَ چہ پد بنجاھی وزیر منصوبگ بندی ءُ دیمروئی کار اسد عمر ءِ ھمبراھی ءَ اھوالکار آناں بریفنگ دیان ءَ بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ بنجاھی کابینہ ءِ دیوان ءَ گیش تر معیشت ءِ سر ءَ تران بوتگ وھدیکہ مرچی کابینہ ءِ دیوان پاکستان ءِ تاریخ ءَ اولی پیپر لیس دیوان بوتگ۔ آئی ءَ گوشت کہ پاکستان ءِ تاریخ ءَ درستاں چہ گیش کابینہ دیوان ھم استیں حکومت ءِ دور ءُ باریگ ءَ بوتگ انت۔
