اسلام آباد۔25مئی (اے پی پی): مزن وزیر عمران خان ءَ گوں ھاسیں نماھندگ برائے نیک راھ آںی وت مہ وت نزیک کنوک مولانا طاہر اشرفی ءَ سئے شمبے ءَ ادا گند ءُ نند کت ءُ “وقف املاک ایکٹ” ءِ تہ ءَ بنجاھی وزیر نیک راھی کار ءِ سروکی ءَ استیں کمیٹی ءُ ایشی ءِ اندرے عالم آنی ھیال ءُ لیکہ آناں گیش ساپ کنگ ءُ پازیٹیو کرد آنی بابت ءَ ھیال ریچی کت۔ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ مولانا طاہر اشرفی ءَ فلسطین ءِ جیڈھ آنی رد ءَ مزن وزیر ءِ لیکہ ءُ جیڈھ ءِ گیواری ءِ واستہ حکومتی تک ءَ کتگیں گامگیج آنی پد ءَ مزن وزیر ءَ را توسیپ ءُ ستا پیش کت۔ ایشی ءَ ابید منبر ءُ محراب ءَ را نوکیں دور ءُ باریگ ءِ رد ءَ گشتانک ءُ درشان کنگ ءِ بابت ءَ ھیال ریچی کنگ بوت۔ گند ءُ نند ءَ مزن وزیر ءَ عالم آں گوں نزیکی دارگ ءِ ھوالگ ءَ پنت ءُ شون کنان ءَ مسلمان آناں یک مشت کنگ ءِ کوشت آناں جاڑی دارگ ءِ جزم ءِ درشان کت۔
