اسلام آباد۔ 25 مئی (اے پی پی) صدر مملکت ڈاکٹر عارف علوی قطبی وزیرستان اٹی تدوک آ دے تے ٹی انٹیلی جنس آپریشن اٹی شہید مروک آ ورناتا خاہوت آتون ٹیل فون آ رابطہ کرے و شہید آتے اوفتا خذمت و نرزوری آ خراج عقیدت پیش کرے۔ ایوان صدر نا میڈیا ونگ انا رداٹ صدر مملکت سے شنبے نادے آ کیپٹن فہیم عباس، سپاہی نعیم شاہ و سپاہی شفیع اللہ شہید نا خاہوت تون ٹیل فون آ ہیت کرے۔ اوشہید آتے اوفتا خذمت و نرزوری آ خراج عقیدت پیش کرے۔ صدر عارف علوی شہید آتا درجہ غاتا بڑزی و خاہوت کن صبر و جمیل نا دعا کرے۔
