اسلام آباد۔ 25 مئی (اے پی پی) بنجائی وزیر تعلیم و کسبی تربیت شفقت محمود پارینے کہ ورناک ننا آخبت ءُ، ورناتا کسبی تربیت کن وزیراعظم عمران خان نا جند انا است خواہی آ 10 ارب روپئی جتا کننگانے۔ سے شنبے نادے آ او نیشنل اسکلز یونیورسٹی ٹی وزیراعظم سرسہب ورنا پروگرام نا رداٹ 10 ارب روپئی نا مالیت نا اسکلز اسکالرشپ پروگرام و 100 ارب روپئی مالیت نا وام اسکیم آن فائدہ ہرفوک آ ورناتے ٹی سرٹیفکیٹ و چیک انا بشخنگ نا دود آن تران کریکہ۔ دود آن تران کرسا اوپارے کہ داکان مست تاریخ اٹی ملپک کہ ورناتے کن کس اس کاریم کرینے۔ اوپارے کہ سرسہب ورنا پروگرام نا کمک اٹ ورناک وام ہلنگ ءُ و تینا کاروبار نا بناءِ کننگ ءُ۔ اوپارے کہ وزیراعظم عمران خان نا جند انا است خواہی آ ورناتا تربیت کن 10 ارب جتا کننگانے۔ سرسہب ورنا اسہ بھاز بھلو پروگرام اسے ہراٹی وزیراعظم گچین و جہانی آب انا افرادی قوت نا تیاری کن پارت کرینے۔ لیبز ءِ اپ گریڈ کننگک۔ اوپارے کہ نیشنل اسکل یونیورسٹی شون ہلنگ ءِ، دا کیمپس ویران ءُ جنگل اس ئسک، خوانہ کہ دایونیورسٹی ملک انا گچین و ماڈل ادارہ اس جوڑ مرے۔ اوپارے کہ وزیراعظم خواہک کہ اسکل آتون اوار کان۔ دایونیورسٹی ٹی ڈاکیومنٹری و فلم میکنگ کن جاگہ جتا کننگک۔ اوپارے کہ ننا لیبز انا اپ گریڈیشن بھاز المی ءِ انتئے کہ ننا لیب اٹی مشینریک بھاز متکن ءُ۔ اوپارے کہ داچرجوئی ٹی حکومت درملکی شریداری نا کوشست کننگ ءِ تانکہ ورناک پوسکن آ ٹیکنالوجی آن فائدہ دوئی کننگ کیرہ۔ شفقت محمود پارے کہ اسہ لکھ ہفتاد ہزار مخلوق ءِ جتا کسب آتا کسبی تربیت تننگ انگ ءِ۔ خوانہ کہ دا پروگرام نا رداٹ لکھ آ مخلوق ءِ تربیت تننگے۔
