اسلام آباد۔ 25 مئی (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسدعمر پارینے کہ لیگی حکومت نا فیصلہ غاتیان پد ہم گردشی وام اٹی گچینی بس، گردشی وام اینخو مالی سال جولائی آن اپریل 260ارب رہینگار۔ سے شنبے نادے آ تینا ٹویٹ اٹی اوپارے کہ تدوک آ مالی سال ہندا وخت اٹی گردشی وام 449ارب ئسر۔ اوپارے کہ گردشی وام اٹی 189ارب روپئی کمتی مس، اینخو سال 100 ارب روپئی اسکان گردشی وام نا گمان ءِ، اینخو سال انا ممکنہ گردشی وام لیگی حکومت نا آخیریکو سال آن کم ءُ۔
