لاہور۔ 25 مئی (اے پی پی) گورنر پنجاب چوہدری محمد سرور پارینے کہ اپوزیشن میٹنگ کرسا سلک و الیکشن 2023بریک، ملکی شونداری ءِ توننگ نا مخالف آتا ڈٹ سرسہب مفک، انشاء اللہ بروک آ لس گچین کاری تیٹی اوورسیز پاکستانیک تینا وونٹ ءِ بٹرہ، اوورسیز پاکستانیک ملک انا میرات ءُ اوفتا ویل آتے سد درسد ایسر کننگک۔ گورنر ہاؤس لاہور آن جاری اعلامیہ نا رداٹ گورنر پنجاب چوہدری محمد سرور امریکہ ٹی رہینگوک آ اوورسیز پاکستانی تتون اوڑدہی ٹی گپ وتران کریکہ وخت اس کہ اوڑدہی ٹی اوورسیز پاکستانیک تحریک انصاف نا حکومت نا کنڈآن اوورسیز پاکستانی تا ویل آتا ایسر و اوفتے ریلیف تننگ وونٹ انا حق تننگ نا حکومتی فیصلہ نا ہم ستاءِ کرینو۔ گورنر پنجاب پارے کہ ہراتم آن تحریک انصاف اقتدار اٹی بسنے مخالف آک دانا چٹفنگ کن دعویٰ کننگ ءُ ولے حقیقت دادے کہ وزیراعظم عمران خان نا کماشی ٹی حکومت متحد و سوگو ءِ، ننے اپوزیشن آن ہچ ءُ خطرہ اس اف لس گچین کاریک تینا وخت آ مریرہ و اپوزیشن ءِ ہم مرے او ہڑدے پوسکن ءُ ڈٹ جوڑ کننگ نا جاگہ غا لس گچین کاری تا انتظار ءِ کے، کانود نا بالادستی حکومت نا زمواری ءِ ہرادے ہرحال اٹ پورو کننگک۔
