نواز شریف و مریم نواز نا لندن نا جائیداد آتا مقدمہ غا اپیل نا سماعت اینو مننگ اٹی ءِ، چوہدری فواد حسین

اسلام آباد۔ 25 مئی (اے پی پی) بنجائی وزیر حوالکاری و شینکاری چوہدری فواد حسین پارینے کہ اسلام آباد ہائی کورٹ اٹی اینو نواز شریف و مریم نواز نا پانامہ پیپرز نا کمک اٹ لندن اٹی مون آ بروک آ ارب آ روپئی نا جائیداد آتا مقدمہ غا اپیل نا سماعت مننگ ءِ، احتساب عدالت دامقدمہ ٹی نواز شریف ءِ 11 سال و مریم نواز ءِ 8 سال قید انا سزا بنفینے، شریف خاہوت ہندن ءُ تاثر ایتک کہ اوفتے اسہ مقدمہ اسے ٹی ہم سزا متنے۔ سے شنبے نادے آ تینا اسہ ٹویٹ اسے ٹی او پارے کہ دامقدمہ غاتے ٹی راست انگا ہیت دادے کہ اوفک لندن اٹی ارب آ روپئی نا جائیداد جوڑ کریر، اوفتا پاش میرات آک داوڑنا جائیداد ہلنگ نا متحمل الورہ تودا جائیداد آتے امر ہلکر؟