اسلام آباد۔ 24 مئی (اے پی پی) وزیراعظم نا خصوصی کمکار جان جوڑی ڈاکٹر فیصل سلطان پارینے کہ حکومت الس ءِ کورونا دین آن بچفنگ کن پبی عملی گام گیج کننگ اٹی ءِ و ویکسینیشن پلان آ ترندی اٹ عملدرآمد مننگ ءِ۔ داخیال آتا درشانی ءِ او پاکستان انسٹیٹیوٹ آف میڈیکل سائنسز پمز انا دورہ ٹی کرے۔ اوچندی وارڈ آتا دورہ ءِ کرے و ناجوڑ آتے تروک آ آسراتی تا ہم جاچ ءِ ہلک۔ ڈاکٹر فیصل سلطان ویکسی نیشن سینٹر نا ہم دورہ ءِ کرے۔ اوپارے کہ ویکسی نیشن پلان آ ترندی اٹ عملدرآمد مننگ ءِ، حکومت الس ءِ کورونا دین آن بچفنگ کن پبی عملی گام گیج کننگ اٹی ءِ۔ داوخت آ او پارے کہ ناجوڑ آتے طبی آسراتی تا فراوانی ءِ پک کننگے۔ ڈاکٹر فیصل سلطان درمان مروک آ ناجوڑ آتون ہم گپ وتران کرے۔ اوپارے کہ حکومت جان جوڑی نا بشخ اٹی گچینی کن اصلاحاتی ایجنڈا غا عملدرآمد کننگ ءِ۔ اوپارے کہ ڈکھیاانسانیت نا خذمت ننا مذہبی و اخلاقی فرض ءِ، جان جوڑی نا بشخ اٹی ترندی اتنگ کن گچین گام گیج کننگ اُن۔ ڈاکٹر فیصل سلطان پارے کہ ہسپتال آتے پوسکن آوڑوڈول آتیا اتنگ انگ ءِ۔ اوپمز ہسپتال نا ایمرجنسی نا دورہ ءِ ہم کرے و انتظامیہ تون مون تروک چیلنج آتا بارواٹ گپ وتران کرے۔ اوپارے کہ جان جوڑی نا بشخ اٹی گچینی اتنگ کن گچین گام گیج کننگ اُن۔
