اسلام آباد۔ 24 مئی (اے پی پی) مچ آ ملک اٹی تدوک آ بیست ءُ چار گھنٹہ ٹی کورونا دین آن 57 مرک مس ہرافتے آن 17 مرک وینٹی لیٹر آتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24گھنٹہ ٹی مچ آ ملک اٹی 3 ہزار 60 بندغ آتا کوویڈ۔ 19 ٹیسٹ مثبت بس۔ ملک انا 4 بھلا شار تے ٹی وینٹی لیٹر آتیا کوویڈ۔ 19 نا ناجوڑ آتا تناسب نا لحاظ اٹ ملتان اٹی 67 درسد، لاہور اٹی 43درسد، پشاور اٹی 35 درسد وبہاولپور اٹی 37 درسد ناجوڑ ءُ۔ تدوک آ بیست ءُ چار گھنٹہ ٹی کورونا دین انا سوب خیبرپختونخوا غان پد پنجاب اٹی غٹ آن زیات مرک ریکارڈ کننگا۔ ملک انا چار بھلا شار تے ٹی آکسیجن نا آسراتی والا کٹ آتیا کورونا نا مثبت کیس آتا تناسب نا لحاظ اٹ پشاور اٹی 39 درسد، صوابی ٹی 47 درسد، بہاولپور اٹی 37 درسد و ملتان اٹی 59 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 58 ہزار 670 ٹیسٹ کننگا ہرافتیان سندھ اٹی 21 ہزار 808، پنجاب اٹی 22 ہزار 735، خیبرپختونخواٹی 7 ہزار 533، اسلام آبا داٹی 4 ہزار 162، بلوچستان اٹی 1 ہزار 254، گلگت بلتستان اٹی 458، آزاد کشمیر اٹی 720 ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 8 لکھ 20 ہزار 374مسنے۔ بلوچستان، آزاد کشمیر و گلگت بلتستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹرآتیا اف وخت اس کہ مچ آ ملک اٹی کوویڈ۔ 19 کن جتا وینٹی لیٹرآتیا 506 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 62 ہزار 917 ءِ۔ مچ آ ملک اٹی کورونا دین آن زہمی بندغ آتا کچ 9 لکھ 3 ہزار 599ءِ ہرافتیان آزاد کشمیر اٹی 18 ہزار 808، بلوچستان اٹی 24 ہزار 583، گلگت بلتستان اٹی 5 ہزار 500، اسلام آباد اٹی 80 ہزار 418، خیبرپختونخواٹی 1 لکھ 29 ہزار 883، پنجاب اٹی 3لکھ 34 ہزار 760 و سندھ اٹی 3لکھ 9 ہزار 647ناجوڑ ءُ۔ مچ آ ملک اٹی کوویڈ۔ 19آن زوال کروک آتا کچ 20 ہزار 308 ءِ ہرافتیان سندھ اٹی 4 ہزار 920 مرک وخت اس کہ تدوک آ بیست ءُ چار گھنٹہ ٹی 9 ناجوڑ ہسپتال آتے ٹی و 2 ناجور اُراتے ٹی قرنطینہ ٹی دادین آن زوال کریر۔ پنجاب اٹی 9ہزار 784مرک وخت اس کہ تدوک آ بیست ءُ چار گھنٹہ ٹی 13 ناجوڑ ہسپتال آتے ٹی و 3 ناجوڑ اُراتے ٹی قرنطینہ ٹی دادین آن زوال کریر، خیبرپختونخوا ٹی 3 ہزار 950 وخت اس کہ تدوک آ بیست ءُ چار گھنٹہ ٹی 26 ناجوڑ ہسپتال آتے ٹی دادین آن زوال کریر۔ اسلام آباد اٹی کل 745مرک، بلوچستان اٹی کل 270 مرک، گلگت بلتستان اٹی 107مرک، آزاد کشمیر اٹی دادین آن 532مرک وخت اس کہ تدوک آ بیست ءُ چار گھنٹہ ٹی 4 ناجوڑ ہسپتال آتے ٹی و اسہ ناجوڑ اس اُراٹی قرنطینہ ٹی دادین آن زوال کریر۔ داتم اسکان مچ آ ملک اٹی کوویڈ۔ 19 نا 1 کروڑ 28 لکھ 37 ہزار 818ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 639ہسپتال آتے ٹی 4 ہزار 763ناجوڑ درمان مننگ ءُ۔
