اسلام آباد۔ 24 مئی (اے پی پی) چین نا سینچری اسٹیل کمپنی رشکئی نا خصوصی اقتصادی زون اٹی 240ملین ڈالر زرکاری کننگ ءِ۔ پاک چائنا جوائنٹ چیمبر آف کامرس اینڈ انڈسٹری (پی سی جے سی سی آئی) نا سینئر نائب صدر داؤد احمد پارے کہ سینچری اسٹیل چائنہ 240 ملین ڈالر نا زرکاری آن رشکئی ایس ای زیڈ اٹی کارخانہ خلنگ ءِ ہرانا سالانہ پیدوار 1.5 ملین ٹن آن زیات مریک۔ اوپارے کہ اولیکوتعمیراتی ریسہ ٹی 600بندغ آتے کن روزگار نا وارخواہی ودی مریک ولے ارٹ میکو ریسہ ٹی روزگار نا فراوانی نا وارخواہی اسہ ہزار آن گدرینگک۔ اوپارے کہ سینچری اسٹیل نازرکاری آن اسٹیل نا ہندی خواست ءِ پورو کننگ تون اوار اوار روزگار نا فراوانی ٹی ہم ودکی مریک وخت اس کہ ملک انا زرگزرانی و صنعتی شونداری ءِ یہم مون آ دننگ دوئی مریک۔
