ہری پور۔ 24 مئی (اے پی پی) بنجائی وزیر اقتصادی امور عمرایوب خان غازی تربیلا لارنس پور سڑک نا تفنگ و ودکی ڈٹ انا اناگت دورہ ءِ کرسا تعمیراتی کاریم نا جاچ ءِ ہلک۔ بنجائی وزیر عمرایوب خان اسہ ارب 80 کروڑ روپئی نا خڑچ آن غازی تربیلا، لارنس پور سڑک نا تفنگ و ودکی ڈٹ انا اناگت دورہ ءِ کرے، داوخت آ او چندی ہند آتیا برجاکاریم و پول آتا تفنگ نا خوڑتی اٹ جاچ ءِ ہلسا ہمووخت آ ساڑی تعلقدار آفیسر آتے تعمیراتی کاریم نا بابت المی پارت جاری کرے۔ بنجائی وزیر عمرایوب خان ہنداڈٹ انا29 مئی آ بناءِ کیک وخت اس کہ اسپیکر قومی اسمبلی اسد قیصر ہم بنائی دود اٹی بشخ ہلیک ہراڑکن غٹ تیاری تے پورو کننگانے۔
