سکھر۔ 24 مئی (اے پی پی) بنجائی وزیر شونداری و ڈٹ بندی اسدعمر پارینے کہ سندھ انا ہرعلاقہ ٹی نادرا دفتر جوڑ کننگک، صوبہ ٹی رہینگوک آتے اوفتا اُراتا خڑک نادرا دفترآتا آسراتی ءِ فراوان کینہ۔ داخیال آتا درشانی ءِ او دوشنبے نادے آ ضلع خیرپور نا تحصیل سوبھودیروٹی پوسکن آ نادرا سینٹر نا بناءِ کننگ نا وخت آ دود آن تران کرسا کرے۔ داوخت آ ڈی جی نادرا سکھر میجر عمران علی کھرل و ایلو آفیسر آک ساڑی ئسر۔ پوسکن آ نادرا سینٹر تحصیل سوبھودیرو نا الس کن حکومت نا اسہ ٹیکی اسے، نادرا دفترون۔ونڈو، کیومیٹک سسٹم و پوسکن آ آسراتی تیان شپ ءِ۔ الس نا آسراتی و شناختی دستاویز آتا دوئی کننگ ءِ آسان کننگ کن بنجائی حکومت السی خواست آ نادرا نا پوسکن آ سینٹر ءِ جوڑ کرینے۔ تحصیل سوبھودیروٹی پوسکن آ آسراتی تیان شپ نادرا آفس 5 ون ونڈو کاؤنٹر آ تالان ءِ ہراٹی کنوئی آ ساف دیر و ایئرکنڈیشنڈ نا آسراتی فراوان کننگانے۔ پوسکن آآفس اٹ الس نا آسراتی ءِ مون آ تخسا ون ونڈو و کیومیٹک سسٹم نا بناءِ کننگانے تانکہ الس ءِ سینٹر آ ہڑدے 100 آن 125ٹوکن آ پراسیس مننگ کیک۔ بنجائی وزیر شونداری و ڈٹ بندی اسدعمر بناءِ کننگ آن پد دود آن تران کرسا پارے کہ فیصلہ کرینن کہ سندھ انا ہر تعلقہ ٹی نادرا دفتر جوڑ کننگک۔ سندھ انا الس ءِ اوفتا اُراتا خڑک نادرا دفتر آتا آسراتی فراوان کینہ۔ اوپارے کہ مخلوق نا آسانی کن میرات نا کانود اٹی آسانی ودی کرینن۔ داسہ میرات نا سرٹیفکیٹ نادرادفترآتیان آسانی اٹ ملنگ کیک۔
