کوئٹہ۔ 24 مئی (اے پی پی) کوئٹہ نا علاقہ قمبرانی روڈ آ بمب دھماکہ، 4 بندغ ٹھپی مسر۔ سرکاری حوالی نا رداٹ دوشنبے نادے آ کوئٹہ نا علاقہ قمبرانی روڈ انا خڑک بشیر چوک آ بمب دھماکہ مس ہراٹی نجیب اللہ، نظام الدین، بلال، حافظ گل ٹھپی مسر، پولیس و سیکورٹی فورس آتے حوال ملنگ تون واقعہ نا جاگہ غا سرمرسا ٹھپی تے دمدستی وڑاٹ طبی امداد تننگ کن سول ہسپتال آ مون تسر ہراڑے ٹھپی تے طبی امداد تننگ انگ ءِ، پولیس و سیکورٹی فورس آک علاقہ نا ناکہ بندی ءِ کرسا مستی جاست وپاست نا بناءِ کرینو۔
