اسلام آباد۔23مئی (اے پی پی): بنجاھی وزیر ھزانگ ءُ ریونیو شوکت ترین ءَ گوشت کہ گوزوکیں مالی سال 21-2020 ءِ معاشی ھساب ءُ داد آنی رد ءَ پاکستان ءِ اقتصادی نمبگ 3.94 درسد ءَ تاں گیش ود اتگ انت۔ یک شمبے ءِ روچ ءَ زوم ءِ سر ءَ ملک ءِ معاشی جاور ھال ءُ اے ھوالگ ءَ در جتگیں کامیاتی آنی بابت ءَ تران کنان ءَ بنجاھی وزیر ھزانگ ءَ گوشت کہ مارا میاں اوستمانی مالیاتی فنڈ( آئی ایم ایف) ءِ کرا روگ گپتگ چیا کہ معاشی رنگ ءَ سکیں جاور بوتگ انت۔ کورونا وائرس ءِ ھوپ بندات بوتگ۔ وزیر ءِ ھزانگ ءَ گوشت کہ بنجاھی حکومت ءَ لستیں ٹارگٹڈ ءُ ارزشتی ایں شوبگ آنی تہ ءَ کار کتگ۔ ایشانی تہ ءَ کشت ءُ کشار، صنعت ءُ ہائوسنگ ءُ ایندگر ھوار انت۔ آئی ءَ گوشت کہ حکومت ءِ گامگیج ءَ ملک ءِ معاشی برجائی ءَ ارزشتی ایں کرد ءِ پیلو کتگ۔ معاشی دیمروئیءِ نمبگ آنی تہءَ گیشی لائک ءِ توسیپی انت ایشانی پد ءَ مزن وزیر عمران خان ءُ آئی ٹیمب ءُ آئی یے ٹیمب ءِ واھشت لائک ءِ توسیپ انت ءُ سرجمیں ٹیمب مبارک بات ءِلائک انت۔
