فلسطین ءِ سر ءَ اسرائیلی کشاں چیل  ءِ بابت ءَ نواز شریف ءِ اچ رنگیں بیان  دیم ءَ سہر انہ بوھگ ءِ سبب آئی ڈن ملک ءَ اربانی کلدار ءِ جائیداد اَنت، چوہدری فواد حسین

اسلام آباد۔23مئی  (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ فلسطین ءِ سر ءَ اسرائیلی کشاں چیل ءِ بابت ءَ نواز شریف ءِ اچ رنگیں بیان دیم ءَ سہرا نہ بوتگ، اے ھاموشی ءِ سبب ڈن ملک ءَ آئی اربانی کلدار ءِ جائیداد انت۔ یک شمبے ءِ روچ ءَ یک ٹویٹے  اندر ءَ بنجاھی وزیر  اھوالکاری ءُ شنگ کاری ءَ گوشت کہ نواز شریف ھمک جیڈھ ءِ سر ءَ وتی لیکہ آنی درشان ءَ کنت ءُ حکومت ءِ سر ءَ ایراد  گرگ ءِ موہ ءَ یل نہ کنت بلے فلسطین ءِ  ھوالگ ءَ اسرئیلی دست مانجی زوراکی ءُ ظلم ءِ  ھوالگ ءَ آئی جنک ءُ  زامات ءِ اچ رنگیں بیان  دیم ءَ سہرا نہ بوتگ،  اے ھاموشی ءِ سبب ءَ ڈن ملک ءَ آوانی اربانی کلدار ءِ جائیداد انت۔