غزہ  ءِ جوڑیشت ءُ فلسطین ءِ گوما حکومت  ھمک رنگیں کمک کنت، حافظ طاہر محمود اشرفی

اسلام آباد۔22مئی (اے پی پی): مزن وزیر ءِ  ھاسیں نماھندگ برائے نیک راھ آنی وت مہ وتی نزیک کنوک  ءُ نیامی روبرکت ءُ پاکستان  ءِ عالماء کونسل ءِ چیئرمین حافظ محمد طاہر محمود اشرفی ءَ گوشت کہ غزہ ءِ جوڑیشت  ءُ فلسطین  ءِ گوما حکومت  ھمک رنگیں کمک  کنت انت۔  وزیر ءِ درئی کار ءَ سرجمیں مسلمان  آنی ترجمانی کتگ، توامیں مسلمان آناں کشمیر ءُ فلسطین ءِ جیڈھ ءِ ھوالگ ءَ  یک مشت بوھگی انت۔ شمبے ءِ روچ ءَ عرب رسانک در آں گوں تران کنان ءَ حافظ طاہر  محمود اشرفی ءَ گوشت کہ فلسطین ءِ جاور ھال آنی سر ءَ وت مزن وزیر عمران خان یک شل ءَ رابطہ ءِ  توک ءَ انت۔ مزن وزیر  ءِ داتگیں پنت  ءُ شون  ءِ پد ءَ حکومت ءِ توامیں  زمہ وار فلسطین ءِ جیڈھ ءِ ھوالگ ءَ یک مشت انت۔ آئی ءَ گوشت  کہ  وزیر ءِ  درئی کار شاہ محمود قریشی ءَ ایوک ءَ پاکستانی راج ناں بلکینگ ءَ  سرجمیں مسلمان آنی ترجمانی کتگ۔  آئی ءَ گوشت کہ پاکستان، مصر، سعودی عرب، ترکی ءَ ھوار توامیں  مسلمان آناں کشمیر ءُ  فلسطین ءِ جیڈھ ءِ ھوالگ ءَ یک مشت بوھگی انت۔  آئیءَ گوشت کہ مصر ءُ فلسطین ءِ حکومت   ءُ سفارتخانہ آں گوں رابطہ ءِ توک ءَ انت،  آئی ءَ گوشت کہ فلسطین ءَ گوں  نزیکی ھمنچوک انت گوشے جسم ءَ گوں روح ءِ نزیکی انت۔