کشمیر ءِ سر ءَ مئے بن گپ سہرا  انت، اگاں کسے جوانیں رپک ءَ گپ کنگ لوٹ ایت ما تیار آں،  سودے بازی نہ بیت، وزیر ءِ درئی کار ءِ پاکستانی کمیونٹی ءَ گوں گشتانک

اسلام آباد،نیو یارک۔22مئی (اے پی پی):وزیر  ءِ درئی کار مخدوم شاہ محمود قریشی ءَ گوشت کہ اے سہرا کنگ لوٹاں کہ کشمیر ءِ بن گپ ءِ سر ءَ مئے لیکہ سہرا انت، شرپ مندیں رپک ءَ کسے گپ کنگ لوٹ ایت گڈا  ما کناں پدا ھم اچ وڑیں سودے بازی نہ کناں،  نا دو نیمگیکی یکوئی آنی دیمروئی ءِ واستہ کلچر ڈپلومیسی ءِ سر ءَ دلگوش کنگ ءِ ضلورت انت۔ اے ھیالانی درشانی آئی ءَ نیویارک  ءَ پاکستان ءِ آیوکیں مشن ءَ پاکستانی  کمیونٹی  ءِ شرپ ءَ برجم داشتگیں دیوان ء۔ گشتانک  دیان ءَ کت۔ اے موہ ءِ سر ءَ یونائیٹڈنیشن ءَ پاکستان  ءِ  گشتانکار منیر اکرم ءُ امریکہ ءَ پاکستان ءِ سفیر اسد مجید خان ھم ساڑی ات۔  وزیر ءِ درئی کار ءَ امریکہ ءَ نندوکیں پاکستانی کمیونٹی ءَ گوں گشگتانک دیان ء۔ گوشت کہ مئے ادا آیگ ءِ مول ءُ مراد یونائیٹڈ نیشن ءِ جنرل اسمبلی ءِ زوتیں دیونا ءَ بزگیں فلسطینی آنی سر  ءَ ظلم ءُ زوراکی ءِ گر ءُ دار ءِ واستہ گوانک ءِ سہرا کنگ بوتگ۔ اللہ  پاک ءِ فضل ءُ کرم ءَ چہ ما سیز فائر ءِ جار  ءِ رنگ ءَ وتی  اولی مول ءُ مراد ءَ کامیات بوتگ آں۔  آئیءَ گوشت کہ فلسطین ءِ ھرابیں جاور ھال آنی رد ءَ ، او آئی سی ءِ ایگزیکٹیو کمیٹی ءِ وزیر  ءِ درئی کار  ءِ ایمرجنسی دیوان ءِ برجم دارگ بوت۔ اے دیوان ءَ ما او آئی سی ءِ پلیٹ  فارم ءِ سر ءَ وت مہ وتی منوگری  کتگ ءُ  ھمے کار رھبند ءِ  رد ءَ ما یکجائی رنگ ءَ یونائیٹڈ نیشن   ءِ جنرل اسمبلی ءَ فلسطینی آنی وت واجئی ھک  ءِ  ھاترا جوانی ءَ گوں گوانک چست کنگ ءِ پیسلہ کتگ۔   پاکستانی کمیونٹی ءَ  مزن وزیر عمران خان ءُ وزیر ءِ درئی کار مخدوم شاہ محمود قریشی  ءَ را ایمنیں سفارتی مشن ءِ کامیاتی ءِ پد ءَ مبارک بات دات۔