تحریک انصاف یک ھاندان ات، ھمک ھاندان ءَ ردئی بیت، عمران خان ءِ سروکی ءَ ما درست یک مشت آں، بنجاھی وزیر اھوالکاری  چوہدری فواد حسین ءِ نعمان لنگڑیال ءِ  داتگیں سُبارگ ءِ دعوت ءَ بھر زوری ءَ چہ پد میڈیا ءَ گوں تران

لاہور۔22مئی (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ تحریک انصاف یک ھاندان ات، ھمک ھاندان ءَ ردئی  بیت انت، عمران خان ءِ سروکی ءَ ما درست یک مشت آں، اپوزیشن ءَ را ردئی ءِ توک ءَ بیت کہ  تحریک انصاف ءِ اندر ءَ کشاں چیل پیداک بوتگ، امیت انت کہ  نوں اپوزیشن  ءِ  کوڈائیں تران ھلاس بنت۔ اے ھیالانی درشانی آئی  ءَ شمبے ءِ روچ ءَ  پی ٹی آئی ءِ سروک نعمان لنگڑیاں ءِ داتگیں سُبارگ ءِ دعوت ءَ چہ پد میڈیا ءَ گوں تران کنان ءَ کت۔  بنجاھی وزیر اھوالکاری ءُ شنگ کاری  ءَ گوشت کہ جہانگیر ترین گروپ ءِ بن گپ سرجمیں ءَ  گوشداشتگ، نعمان لنگڑیال ءِ نزیکیں یکوئی است انت،  مئے نیام ءَ یکوئی آناں گیش نزیک آرگ ءِ ضلورت  انت۔ پارٹی  ءِ جیڈھ گپ ءُ تران ءِ سر ءَ گیوار بنت،   آئی ءَ گوشت کہ تحریک انصاف ءِ اندر ءَ نہ کہ جہانگیر ترین  ءَ امیت است انت کہ عمران خان  آئی واستہ گیر کانودی سپارش ءِ کنت  ءُ نا کہ عمران کان ءِ اے مزاج انت۔  آئی ءَ گوشت کہ جہانگیر ترین ءِ جیڈھ  ءَ علی ظفر ءِ سروکی ءَ یک کمیٹی ءِ جوڑ کنگ بوتگ، اے کمیٹی ءِ رپوٹ ءِ ودار انت، اے رپوٹ پارٹی ءِ انٹرنل لائن  منوگر کنت۔  آئی ءَ گوشت کہ کورٹ کیس کانودی جیڈھ انت،  ایشانی تہ ءَ مزن وزیر عمران خان ءِ اچ پالیشی نیست انت ءُ ناکہ چیز ءِ کت کنت، نا کہ جہانگیر ترین  اے وڑ  لوٹ ایت۔  ما درست فیملی ءِ وڑ ءَ انت ءُ  یکجائی ءَ روگ ءِ  پیسلہ کتگ۔ آئی ءَ گوشت کہ  ما درست اجتماعی ءُ زاتی جیڈھ آناں یکجائی ءَ  نندگ ءَ گیوار کنگ  ءِ پیسلہ کتگ۔  آئی ءَ گوشت کہ عمران خان ءِ سروکی ءَ ما درست یک مشت آں۔