میاں اوستمانی دگنیا ءَ اسرائیلی ظلم ءُ زوراکی آناں سہرا کنگ ءَ ترک ءُ پاکستنای وزیر  ءِ درئی کار ءَ را توسیپ ءُ ستا پیش کناں، غلام سرور خان

راولپنڈی ۔22مئی (اے پی پی): بنجاھی وزیر برائے ہوابازی غلام سرور خان ءَ یونائیٹڈ نیشن ءِ جنرل اسمبلی ءَ بے کسوریں فلسطینی آنی سر ءَ اسرائیلی ظلم ءُ زوراکی آناں  سہرا کنگ ءِ پد ءَ ترک ءُ پاکستانی وزیر ءِ درئی کار ءَ را  توسیپ ءُ ستا پیش کتگ ءُ گوشتگ کہ کودکیں فلسطینی  آنی  سر ءَ اسرائیلی ارش  آناں گواچنی رنگ ءَ سہر اکنگ بوتگ۔ پی ٹی آئی سیکرٹریٹ راولپنڈی ءَ  وتی برات زتک ایم پی اے عمار صدیق خان  ءِ ھمبراھی ءَ پریس کانفرنس ءَ گوں گشتانک دیان ءَ بنجاھی وزیر ہوابازی غلام سرور خان ءَ گوشت کہ پی ڈی ایم وتی موت ءَ بیران بوتگ، پاکستان تحریک انصاف ءَ  را گروپنگ یا فارورڈ بلاک  نیست  انت ءُ ما درست مزن وزیر عمران خان ءِ سروکی ءَ یک مشت آں۔ غلام سرور خان ءَ گوشت کہ پی ڈی ایم ءِ لستیں مردم پارٹی ءَ گوں نہ منوک انت  ھمے ھاترا دروگ زبرگ انت پدا ھم میڈیا ءَ گوں دستبندی انت کہ آ پارٹی ءِ بابت ءَ نیگیٹیو پروپیگنڈا آنی ھال آناں رد بکن انت۔  اے موہ ءِ سر ءَ چوہدری محمد افضل   ءَ ھوار ایندگر پی ٹی آئی سروک ھم ساڑی اتنت۔  غلام سرور خان ءَ گوشت کہ حکومت وتی پنچ سالی وھد ءُ پاس ءَ را سرجم کنت ءُ حکومت  ءَ را  اچ رنگیں بیم نیست۔