سرجمیں دگنیا ءِ مسلمان کودکیں فلسطینی آنی قربانی آناں مپت ءَ روگ ءَ نئیلاں، وزیر ءِ تہی کار شیخ رشید احمد ءِ لال حویلی ءَ فلسطینی  ءَ گوں یکوئی  ءِ درگت ءَ برجم داشتگیں جاکی مُچی  ءَ گوں گشتانک

اسلام آباد۔21مئی (اے پی پی): بنجاھی وزیر تہی کار شیخ رشید احمد ءَ گوشت کہ میاں اوستمانی برات اسرائیل ءِ نیمگ  ءَ بنی آدمی ھک آنی  لگت مالی ءِ نوٹس بگپت، آزماش  ءِ ساھت ءَ پاکستانی الس  فلسطینی آنی گوما ھمگام ءَ اوشتاتگ انت۔  اسرائیلی کشاں چیل، زوراکی  ءَ را سسک باز مزمت گراں۔ سرجمٰں دنگیا ءِ مسلمان کودکیں فلسطینی آنی قربانی  آناں بے ھیال نہ کناں، آوانی قربانی مپت ءَ نہ رونت۔ آزات فلسطینی ریاست ءِ برجائی ءَ ابید مھکمیں دیمروئی ءُ برجائی بوت نہ کنت،مسلمانیں ملک آنان فلسطین ءِ جیڈھ ءِ گیواری ءِ واستہ یکجائی ءَ گامگیج چست  کنگ لوٹ ایت۔  ما رسول پاک ءِ غلام آں ، مارا لوٹ ایت کہ فلسطین ءُ  کشمیر ءِ آجوئی ءِ واستہ ھمک ساھت ءَ تیار بہ باں،  مزن وزیر عمران خان ءِ شگر ءُ منت ءَ گراں، آئی ءَ فلسطین ءَ گوں یکوئی ءِ واستہ  سرجمیں راج  ءَ یکجا کتگ، اے ھیالانی درشانی آئی ءَ آدینگ ءِ روچ ءَ لال حویلی ءَ  فلسطین ءِ  روچ ءِ ھاترا برجم داشتگیں جاکی مُچی ءَ گوں  گشتانک دیان ءَ کت۔  اے موہ ء، سلر ء۔ پارلیمانی سیکرٹری ایم این اے شیخ راشد شفیق ، ھندی سیاسی، نیک راھی  تاجر  ءُ سروک آں ھوار الس ءِ مزنیں کساس ءِ ساڑی ات۔