ورنا آنی ٹیلنٹ ءَ را لیب ءُ گوازی ءِ نیمگ ءَ دلگوش کنگ ءُ ملک ءِ پازیٹیو پجار ءَ را سہرا کنگ  ءِ واستہ میگا اسپورٹس ایونٹس ءَ را برجا  کنگ ءِ ضلوری انت، صدر  مملکت ڈاکٹر عارف علوی ءِ کشمیر پریمیئر لیگ ءِ انتظامیہ ءِ ڈل ءَ گوں تران

اسلام آباد۔21مئی (اے پی پی):صدر مملکت ڈاکٹر عارف علوی ءَ گوشت کہ ورنا آنی ٹیلنٹ ءَ را گوازی ءِ نیمگ ءَ دلگوش کنگ ءُ دگنیا  ءِ دیم ءَ ملک ءِ پازیٹیو پجار ءَ را سہرا کنگ ءِ واستہ میگا اسپورٹس ایونٹس ءِ برجائی المی انت، کشمیر پریمیر لیگ  ءِ وسیلگ ءَ میاں اوستمانی تک ءَ کشمیر ءِ  جوانیں  لکا ءُ دود ءُ ربیدگ ءِ سہرائی ءِ واستہ  پلیٹ فارم پجاری بیت۔ اے ھیالانی درشانی آئی ءَ آدینگ ءِ  روچ  ادا ایوان صدر ءَ کشمیر پریمیئر لیگ (کے پی ایل ) ءِ انتظامیہ ءِ ڈل ءَ گوں تران کنان ءَ کت۔

پارلیمانی کمیٹی برائے کشمیر ءِ کار شہر یار آفریدی، کشمیر پریمئر لیگ ءِ صدر عارف ملک،  چیف ایگزیکٹو اپسرگ چوہدری شہزاد اختر، کشمیر  پریمیئر لیگ ءِ انتظامیہ ءِ کلامہ ایں ممبر ، فرنچائز مالک  ءُ  ٹوھیں سرکاری کارندہ ساڑی اتنت۔  لیگ ءِ اتنظامیہ ءَ صدر مملکت  ءَ را کے پی ایل ءِ مول ءُ مراد ءِ بابت ءَ بریفنگ دات۔ بریفنگ ءَ گوشگ بوت کہ لیگ ءِ برجائی ٰءَ چہ سرجمیں دگنیا ءَ کشمیر کاز ءَ را سہرا کنگ ءُ کشمیر ءَ را میاں اوستمانی لیب ءُ گوازی   آنی  تہ ءَ سہرا کنگ ءَ کمک رسیت۔