اسرائیل نا میزائل، پوسکن آ ٹیکنالوجی و بمب ایمان نا طاقت ءِ شکست تننگ کپک، ڈاکٹر فردوس عاشق اعوان نا ریلی آن تران

لاہور۔ 21 مئی (اے پی پی) وزیراعلیٰ پنجاب نا خصوصی کمکار ڈاکٹر فردوس عاشق اعوان پارینے کہ ایمان نا طاقت غٹ آن بھلا طاقت ءِ، اسرائیل بنے اونا پوسکن آ میزائل، ٹیکنالوجی و بمب داطاقت ءِ شکست تننگ کپسہ، فلسطینی تینا ایمان نا طاقت اٹ جارحیت نا مقابلہ ءِ کننگ ءُ، ہمودے مُر اف ہراتم اسرائیل تینا گناہ تا کفارہ ءِ ادا کیک۔ اوجمعہ نادے آ لبرٹی چوک اٹ فلسطینی تتون یکجہتی نا درشانی و غزہ فلسطین اٹی برجا اسرائیلی بیدادی نا برخلاف اڈہلوک ریلی آن تران کریکہ۔ داوخت آ پوریاگر، سول سوسائٹی، سیاسی و راجی راہشون تتون اوار این جی اوک بھلوکچ اسے ٹی بشخ ہلکر۔ ڈاکٹر فردوس عاشق اعوان ریلی آن تران کرسا پارے کہ صوبہ ٹی ضلعی کہول آ ریلی، مسیت آتے ٹی دعا و روڈآتیا ساڑی شاریک دنیا نا کہوک آ ضمیر ءِ سُرفنگ ءُ و ننا دا کلہو ءِ کہ ہراڑے ہراڑے ننا اختیار اٹی مریک ہموڑے نن اسرائیلی ظلم انا مذمت ءِ کینہ و داکارروائی تے توننگ کن حکومت تون ہراول دستہ نا کڑد ءِ ادا کینہ۔ اوپارے کہ مظلوم انسان تے دترنا جوتے ٹی بے شولفوک آ دہشت گرد اسرائیل ءِ جہانی فورم آ بے نقاب کننگ اٹ اقوام متحدہ انسان دوست تنظیم نا کڑد ءِ ادا کے و غلامی نا زمزیر تے پرغسا آجوادارہ نا وڑاٹ انصاف کے۔ اوپارے کہ مصر، پاکستان، ترکی و ایلو مسلم امہ نا کوشست آتیان فلسطین اٹ جنگ بندی نا پڑو ستاکڑزک۔ گمان ءِ کہ جنگ بندی آن بھلا گام ہرا اسہ کنڈی جنگ فلسطین آ مسلط کننگا ہراٹی نئے ٹھپی تے ہرفنگ کن ہلنگ انگ ءِ۔ ریڈ کراس ءِ ٹارگٹ کننگا یواین او ادارہ غاتا تضحیک ءِ کننگا۔