لاہور۔ 21 مئی (اے پی پی) فلسطین وکشمیر نا ویل ءِ تالان کننگ کن گورنر پنجاب چوہدری محمد سرور 10 دے ئی دورہ غا امریکہ غا روانہ مس۔ امریکی سینیٹرز، کانگریس باسک، گورنر آتون ہم اونا اوڑدہی شیڈول ءِ وخت اس کہ گورنر پنجاب چوہدری محمد سرور پارے کہ جنگ بندی کافی اف اسرائیل ءِ پورو وڑاٹ فلسطین آن پیش تمنگ و فلسطین نا ویل ءِ ایسر کروئی مریک ورنہ دنیا ٹی امن اسہ تغ اس ہی مریک، پاکستان تینا فلسطینی ایڑھ ایلم تتون سلوک ءِ۔ سرجم حوال آتا رداٹ جمعہ نادے آ روانہ مننگ نا وخت آ میڈیا تون گپ وتران اٹی گورنر پنجاب چوہدری محمد سرور پارے کہ اسرائیل نا فلسطینی تا برخلاف دہشت گردی نا اخس کہ مذمت ءِ کننگے کم ءِ، وزیراعظم عمران خان و وزیر خارجہ شاہ محمود قریشی فلسطین نا معاملہ غا راستکی تے دنیا نا مون آ تخنگ ءُ ای ہم امریکہ نا دورہ ٹی انسانی حق انا تنظیم، امریکی، کانگریس نا باسک، سیاست دان و اوورسیز پاکستانی تتون ہم اوڑدہی کیوہ و اوفتے امن کن وزیراعظم عمران خان نا کماشی ٹی پاکستان نا گام گیج آتا بارواٹ ہم معلومدار کننگک۔ اوپارے کہ داہیت اٹی ہچ ءُ شک اس اف کہ اسرائیل دنیا نا غٹ آن بھلا دہشت گرد ءِ اودے توننگ المی مسنے امریکہ ءِ ہم غلط ءِ غلط و سہی ءِ سہی پاروئی مریک۔
