اسلام آباد۔ 21 مئی (اے پی پی) بنجائی دارالحکومت اسلام آباد نا 2 لکھ 47 ہزار آن زیات شاری تے کوویڈ۔ 19 ویکسی نیشن ہندآتیان ویکسین خلنگانے۔ وزارت قومی جان جوڑی نا کمامدارآتارداٹ دارالحکومت اٹی ویکسی نیشن نا کچ ءِ ودفنگ کن ایف۔ 9 پارک اٹی اسہ بھلو کچ اسے آ ویکسی نیشن سینٹر جوڑ کننگانے ہرافتے ٹی ہڑدے 7 ہزار شاری تے 75 کاؤنٹر آتا کمک اٹ کوویڈ۔ 19 آن بچفنگ نا ویکسی نیشن کننگک۔ اوپارے کہ 100 تربیتیافتہ ویکسینرز تینا فرض آ ساڑی سلرہ و داسینٹر اٹی شاری تے آب اٹ خذمت فراوان کننگک۔ اومخلوق ءِ پارے کہ او کوویڈ۔ 19 نا برخلاف ویکسی نیشن کن ہند آتیا بریر۔ اوپارے کہ ہرشاری آ زمواری مریک کہ او ویکسی نیشن سینٹر آ برے و کورونا دین آن بچفنگ نا ویکسین خلفے۔ نن زوت آن زوت غٹ پابندی تے چٹفنگ خوانہ ہرافتے ٹی تعلیمی ادارہ و بازار تا ملنگ ہم اوار ءِ ولے دانا انحصار ملک اٹی زیات آن زیات آبادی نا ویکسی نیشن آٹی ءِ۔ اوپارے کہ داسہ ہم چندی باندات آتیان پد ہم ضلعی انتظامیہ، نیشنل کمانڈ اینڈ آپریشن سینٹر(این سی او سی) نا ٹیم و پولیس نا کنڈآن دادین انا مون ءِ توننگ نا مخلصانہ کوشست آتا سوب آن پاکستان جوان حالیت اٹی ءِ۔ اوپارے کہ ننے داسہ ہم داوڑنا گام گیج آتا گرج ءِ۔ انتئے کہ مچ آ ملک اٹی 4500ناجوڑ آکسیجن آٹو۔ اوپارے کہ بنجائی دارالحکومت اٹی پوریاگر تنظیم، منڈی تا تنظیم و عالم دین تا کمک اٹ اسہ بھلو کچ اسے آ ٓآگاہی مہم اس بناکننگانے۔ اومستی پارے کہ اسلام آباد نا ورناک ہم ویکسین نا اہمیت آن معلومدار کننگ کن دا مہم اٹی لگوک ءُ۔ اوپارے کہ کورونا دین آن آجو کننگ کن دارالحکومت نا باسک قومی اسمبلی جندی وڑاٹ دابھلو کچ اسے آ مہم اٹی بشخ ہلنگ ءُ۔ اوباوری کرفے کہ ہرشارءِ ویکسین نا فراوانی بنجائی حکومت نا زمواری ءِ و اومستی پارے کہ ویکسین نا کمتی اف۔ اوپارے کہ داتم اسکان نن ویکسی نیشن آن جوان ءُ نتیجہ اس دوئی کننگ اُن۔
