اسلام آباد۔20مئی (اے پی پی): وزیر ءِ مملکت اھوالکاری ءُ شنگ کاری فرخ حبیب ءَ پنچ شمبے ءِ روچ ءَ پریس انفارمیشن ڈیپارٹمنٹ (پی آئی ڈی) ءِ تر ءُ تاب کت آھودا پی آئی او سہیل علی ءَ آئی ءَ حکومتی گامگیج ءَ را سہرا کنگ، پی آئی ڈی ءِ آپریشنل کار، اشتہار آنی بنگیج ءِ ھوالگ ءَ کار آنی بابت ءَ بریفنگ دات۔ وزیر ءِ مملکت اھوالکاری ءُ شنگ کاری فرخ حبیب ءَ گوشت کہ حکومت ءِ گامگیج ءَ را سہرا کنگ ءِ واستہ پی آئی ڈی ءِ کلیتی کرد ات۔ آئی ءَ گوشت کہ پی ٹی آئی حکومت ءِ نیمگ ءَ میڈیا ءِ آزاتی ءُ لیکہ ءِ آزاتی ءَ گوں درشانی ءِ سر ءَ دل یکیمی دار ایت۔ آئی ءَ گوشت کہ پی ٹی آئی حکومت ءِ سئے سال سرجم بوھگ ءَ انت، اے دور ءَ سرجم بوھوکیں منصوبگ، ایشانی الس ءَ تاں برورد ءِ سر بوھگ، الس ءِ دیم ءَ آرگ بہ بنت۔ آئی ءَ گوشت کہ احساس پروگرام، کامیات ورنا پروگرام ، پناہ گاہ، لنگر خانہ وڑیں منصوبگ آنی بابت ءَ الس آناں گہتریں نمونگ ءَ سئیگ کنگ انت۔ آئی ءَ گوشت کہ اشتہار آنی جاڑی کنگ ءُ اھوالتاک آنی ھوالگ ءَ کار کمپیوٹرائزڈ بوھگ ءَ چہ ساپ ءُ سلہ ائی کئیت۔ پی آئی ڈی ءَ را استیں دور ءُ باریگ ءِ لوٹ آنی رد ءَ کنگ ءِ ضلورت انت۔ آئی ءَ گوشت کہ اے جوانٰیں گپ ات کہ استیں حکومت ءِ اشتہار آنی رد ءَ میڈیا ہاوسز آنی بقایاجات نیست انت، ائید ءَ چہ پیسر میڈیا ہائوسز ءَ را 34 کروڑ ءِ ادائیگی کنگ بوتگ۔
