واشنگٹن۔18مئی (اے پی پی):امریکی صدر جوبائیڈن ءَ غزہ ءَ 8 روچ ءَ چہ اسرائیل ءُ فلسطین ءِ نیام ءَ کشاں چیل ءَ چہ پد جنگ بندی ءِ کمک کت پدا ھم آئی ءَ اسرائیل ءَ چہ جنگ بندی ءِ سہرائیں لوٹ نہ کت۔ برطانوی ھالرسانکی در آنی رد ءَ وائٹ ہاوس ءَ گوشت کہ امریکہ صدر ءَ گوستگیں روچ ءَ اسرائیلی مزن وزیر نیتن یاہو ءِ گوما ٹیی فون ءِ سر ءَ تران ءِ ساھت ءَ جنگ بندی ءِ کمک کت ءُ اسرائیلی ءِ دلبڈی کت کہ آ کودکیں شہری آنی رکھینگی ءَ را دل یکیمی جوڑ کنگ ءِ واستہ ھمک رنگیں کوشش بکنت۔ امریکی صدر ءَ گوشت کہ امریکا کشاں چیل ءِ ھلاسی ءِ واستہ مصر ءُ ایندگر شریکدار آنی گوما یکجائی ءَ کار کنگ ءَ انت۔ وائٹ ہائوس ءِ ترجمان جین ساکی ءَ اھوالکار آناں گوشت کہ مئے کوشست انت کہ ما اسرائیل ءُ فلسطین ءِ نیام ءَ کشاں چیلیں جاور آنی تہ ءَ نرمی بہ بیت۔ اسرئیل ءِ منوک امریکا ءَ گوستگیں روچ ءَ سلامتی کونسل ءِ نیمگ ءَ اے بیان ءَ را ویٹو کت ، اے بیان ءِ اندر ءَ اسرائیل ءِ نیمگ ءَ ظلم ءُ زوراکی آنی تہ ءَ کمی آرگ ءِ لوٹ کنگ بوتگ ات۔ یات دارگ بہ بیت کہ غزہ ءِ سر ءَ اسرائیلی ارش آنی دومی ھپتگ بندات بوتگ انوگ ءَ تاں 61 زھگ آں ھوار 212 فلسطینی شہید بوتگ انت۔
