اسلام آباد۔ 22مارچ (اے پی پی) چاہندار اقتصادیات ڈاکٹر شاہد حسن صدیقی نا پاننگ ئِ کہ پاکستان چین نا کمکی آن 2018 ءاسکان لوڈشیڈنگ نا مون ئِ توننگک۔ ریڈیو پاکستان تون ہیت وگپ کرسا پاکستان نا بنداوی ویل انفراسٹرکچر ، توانائی تنکی و معاشی سوگوی ئس و چین نا کمکاری آن داسہ نن دا ہند اسکان رسینگانن کہ 2018ءاسکان نن لوڈشیڈنگ نا توننگ اٹی سرسہب مرینہ و چین پاک اقتصادی راہداری ڈٹ آتیان گنڈوک انفراسٹرکچر نا ایلو ڈٹ آک ملکی سوگوی و معیشت نا مون آ دننگ اٹی اہم کڑد ادا کیرہ۔ اوپارے کہ انفراسٹرکچر نا بحالی، دہشت گردی نا چٹفنگ، زرکاری، خراج نا ادائیگی و قومی بچت آ الس عمل کے تو دنیا نا ہچ ئُ واک اس پاکستان نا شونداری نا کسر اٹی بننگ کپک و بلوچستان تون اوار مچ آ قوم اکن شونہالی و روزگار نا وارخواہی ودی مننگ کیک۔
