برلن۔ 07 مئی (اے پی پی) جہانی ادارہ جان جوڑی پڑو کرینے کہ مون آ بروک آ دینی مرض آتا خطرہ غاتیان وخت آن مست ڈس و نشان ءِ خلنگ کن جرمنی ٹی اسہ پوسکن ءُ ہند اس جوڑ کننگک۔ جرمن نشریاتی ادارہ نا رداٹ دینی مرض آتا بابت ڈبلیو ایچ او نا دا مرکز ہب فار پینڈمک اینڈ ایپیڈمک انٹیلی جنس ستمبر آن برلن اٹی تینا کاریم نا بناءِ کیک۔ جہانی ادارہ جان جوڑی نا پاننگ ءِ کہ دا ہند مچ آ دنیا ٹی دینی خطرہ غاتا پیش گوئی، اوفتا توننگ، داڑکن تیاری، تلاش و دانا توننگ کن ترندی اٹ ڈیٹا نا تجزیہ کننگ نا کاریم ءِ کیک۔ دا ادارہ جہانی کہو ل آ ایلو ملک و سائنسی ادارہ غاتا نیام اٹ کمکاری ءِ پین مون آ دیک۔ داکان بیدس ساڑی آ نظام نا مقابلہ ٹی دینی مرض انا اشارہ و علامت آتا بھاز مہالوڈس ءُ نشان ءِ خلنگ کیک۔
