ریاض۔ 28 اپریل (اے پی پی) سعودی عرب اٹی کورونا دین انا جہانی دین آن پد اولیکو وار مسجد الحرام اٹی طواف نا صحن نمازی و عمرہ زائر آتیان پورو وڑاٹ پُرمس۔ پانزدہ می روچہ غا شام انا نماز نا وخت آ مچ آ صحن نمازی تیان پُر نظر بس۔ کورونا غان بچنگ کن تخوک آ ضابطہ غاتا پابندی اٹ حرم مکی ٹی نماز و عمرہ نا آسراتی برجاءِ۔ صدارت عمومی انتظامی امور الحرمین الشریفین بیان اٹی پارینے کہ روچہ نا اولیکو عشرہ ٹی 15 لکھ بندغ کورونا ایس او پی تیا پابندی اٹ نماز و عمرہ کرینو۔ انتظامیہ نا غٹ ادارہ غاک کارکڑد ءِ ودفینو و زائر آتے آب اٹ خذمت فراوان کننگ انگ ءِ۔ مقدس مسیت آتا انتظامیہ مطاف اٹی 14 نا جاگہ غا 25 ٹریک کریر۔ دافتیان چار ہرا خانہ کعبہ نا بھاز خڑک ءُ بزرگ و معذور آتے کن جتا کننگانو۔ پیر انگا و معذور آتے الیکٹرانک وہیل چیئر آتیا طواف نا آسراتی تننگ انگ ءِ۔
