اسلام آباد۔ 19 اپریل (اے پی پی) بنجائی وزیر ڈٹ بندی شونداری واصلاحات و خصوصی گام گیج و نیشنل کمانڈ اینڈ آپریشن سینٹر نا سروک اسد عمر پارینے کہ نن ایس او پی تیا عمل کپرسا بھلو ردینک اس کننگ اُن، ملک اٹی کورونا نا بگڑینگوک آ حالیت آتیان خبڑدار کرین۔ دوشنبے نادے آ تینا ٹویٹ اسے ٹی پارے کہ ہسپتال پدریسہ پُر مننگ ءُ و کورونا نا نازرک ناجوڑ آتا کچ 4500 اسکان سرمسنے، نازرک ناجوڑ آتا ساڑی آ کچ تدوک آ سال جون انا نسبت غٹ آن زیات کچ آن 30درسد زیات ءِ وخت اس کہ آکسیجن نا فراوانی داوخت آ زورانا گواچی ءِ۔ اوپارے کہ ایس او پی تیا عملدرآمد کم مننگ ءِ، نن ایس او پی تیا عملدرآمد کپرسا بھلو ردینک اس کننگ اُن، ہراتم آن کورونا بسنے داسہ نن زہمی تا کچ ءِ بھاز خراب خننگ اُن و ننا ہمسایہ ملک بھاز تنکی ٹی ءِ۔ اسد عمر نا پاننگ ئس کہ ایران اٹی ہڑدے 300 آن زیات مرک و بھارت اٹی ہڑدے 1600 آن زیات مرک مننگ ءِ، ننے مست آن زیات رکھی گام گیج کروئی مریک۔ اوپارے کہ ملک اٹی آکسیجن نا فراوانی نا لائخی داسہ زور انا گواچی ءِ۔ ایس او پی تیا عملدرآمد کپرسا مخلوق بھلو ردینک اس کننگ ءِ۔ اسہ وار ولدا مچ آ مخلوق آن خواست کیوہ کہ ایس او پی تیا عملدرآمد کرفر۔
