اسلام آباد۔ 19 اپریل (اے پی پی) بنجائی وزیر داخلہ شیخ رشید احمد پارینے کہ ٹی ایل پی اتون ہیت وگپ بناکرینے، اولیکو دور بھاز جوانی اٹ پورو مسنے۔ دوشنبے نادے آ تینا بیان اٹی اوپارے کہ ٹی ایل پی والاک 11 یرغمالی پولیس کارندہ غاتے ہلانوو ٹی ایل پی نا مخلوق مسجد رحمتہ اللعالمین آ ہنانو و پولیس ہم پدی مسنے، ارٹمیکو راؤنڈ اٹی ایلو باندات آک ہم طے مریرہ۔ اوپارے کہ پنجاب حکومت سرسہبی اٹ مذاکرات کرینے۔ پنجاب حکومت نا اولیکو میٹنگ سرسہبی اٹ ایسر مسنے۔ اللہ غان اومیت ءِ کہ ارٹ میکو میٹنگ اٹی ہم حالیت آک جوانی نا کنڈآ کارہ، 192ناکہ غاتیان ہرا اسہ ناکہ اس رہینگاسس اونا بابت ہم گچینی بسنے۔
