اسلام آباد۔ 19 اپریل (اے پی پی) جہانی مالیاتی فنڈ(آئی ایم ایف) نا سروک کرسٹالینا جارجیوا پارینے کہ ترسیلات زر انا ودفنگ اٹ ڈیجیٹل کرنسی اہم ءُ کڑد اس ادا کننگ کیک۔ پدتموک و کم کٹیا کروک آ ملک آتے ٹی ترسیلات زر انا کمک اٹ مون تروک آ زر زرگزرانی سرجز و کروڑ آ بندغ آتا زند آتے کن اہم ءِ۔ آئی لیب سپرنگ میٹنگز ورچوئل ورکشاپ نا وخت آ اوپارے کہ امیر و غریب ملک آتے ٹی ودوک آ ڈیجیٹل تقسیم نا گڑتی تے کم کننگ کن جہانی برادری ءِ مرے کہ داوڑنا گام گیج آتے پک کے تانکہ غٹ ملک آک ڈیجیٹل کرنسی نا ایجاد آن اسہ وڑاٹ فائدہ ہرفنگ کیر۔ اوپارے کہ دا بابت مسہ بشخ آتیا خاص چکار کروئی مریک۔ غٹ آن مست کرنسی یا دولت نا پوسکن آ وڑپت انا قابل مرے۔ ارٹ میکو نمبر آ ہندی زرگزرانی و مالیاتی سوگوی ءِ رکھ دوئی مرے و اسہ ہندن ءُ لائحہ عمل اس شین تروئی مریک تانکہ مالیات نا جہانی نظام ہم سوگو و گچین مننگ کے۔ اوپارے کہ دا بابت فنانشنل اسٹیبلٹی بورڈز، بینک آف انٹرنیشنل اسٹیل منٹس، جہانی بینک و ایلو شریدار مثابقتی گام گیج آتے پک کیر۔ اوپارے کہ آئی ایم ایف ہم دا بابت پبی کمک فراوان کیک تانکہ ودوک آ ڈیجیٹل پرخ ءِ کم آن کم کننگ مرے تانکہ شون ہلوک ملک آتون اوار اوار پدتموک ملک آک ہم ڈیجیٹل کرنسی نا پوسکن آ ایجاد آتیان اسہ وڑ فائد ہ ہرفنگ کیر۔
