اسلام آباد۔18اپریل (اے پی پی): بنجاھی وزیر توکی کار شیخ رشید احمد ءَ گوشت کہ پاکیں بنی کریم صلی اللہ علیہ وسلم ءِ نام ءَ را بے شرپ کنگ ءِ اچ رنگ ءَ موہ دیگ نہ بیت، آئی شان ءَ اچ وڑیں گستاخی سگ ءُ اوپار کنگ نہ بیت۔ ھدا نے گہبدار ایت کمو گامگیج کنگ بہ کپ ایت، حکومت وتی مستری ءَ برجا دار ایت، 192 جاہ بلاک کنگ بوتگ اتنت۔ یکے ءَ ابید درست پچ کنگ بوتگ انت، ایوک ءَ یک جاھے ءَ کمو جاور نہ گیگ انت، اے ھیالانی درشانی آئی ءَ یک شمبے ءِ روچ ءَ رمضان المبارک ءِ ساھت ءَ شہری الس آناں ارزانی نیاد ءُ قیمت آں گوں سامان آنی پجاری ءِ واستہ بست ءُ بند کتگیں سستا بازار آنی تر ءُ تاب ءِ ساھت ءَ میڈیا ءَ گوں تران کنگ ءَ کت۔ وزیر ءِ توکی کار ءَ گوشت کہ سی ڈی اے ءَ رمضان ءَ دھ سستا بازار جتگ وھدیکہ پنچ اسلام آباد انتظامیہ ءَ جتگ، وزیر ءِ تہی کار ءَ را ڈپٹی کمشنر حمزہ شفقات ءَ اے موہ ءِ سر ءَ سستا بازار آنی ھوالگ ءَ بریفنگ دات۔ وزیر ءِ توکی کار ءَ پنت ءُ شون کت کہ الس آنی آسودگی ءِ واستہ گیش سستائیں بازار پچ کنگ بہ بیت۔
