اسلام آباد۔18اپریل (اے پی پی): بنجاھی وزیر وانگ ءُ زانگ شفقت محمود ءَ گوشت کہ سرجمیں ملک ءَ نھمی تبک ءَ بگر تاں دوہازدھمی تبک ءَ تاں دربر جاہ دو شمبے ترندیں ایس او پیز آنی گوما پچ کنگ بنت وھدیکہ نرسری ءَ چہ ھشتمی تبک ءِ وانگ ائید ءَ چہ پد پچ کنگ ءِ پیسلہ کنگ بوتگ۔ وزیر ءِ وانگ ءُ زانگ شفقت محمود ءِ سروکی ءَ صوبگ آنی نیام ءَ نزیکی ءِ وزیر وانگ ءُ زانگ ءِ ایمرجنسی دیوان ءِ برجم دارگ بوت۔ شفقت محمود ءِ نیمگ ءَ جاڑی بوتگیں ٹویٹ ءِ رد ءَ دیوان ءَ وانگی ءُ زانگی ادارگ آنی کلاسز آنی پچ کنگ ءِ ھوالگ ءَ ھیال ریچی کنگ بوت۔ این سی او سی کارندہ آں دیوان ءَ را گوشت کہ کورونا کیس گیش بوھگ ءَ انت ھمے ھاترا انوں وانگ ءُ زانگی ادارگ آناں پچ مکن ات جوانتر انت۔ اے موہ ءِ سر ءَ توامیں صوبائی وزیر وانگ ءُ زانگ ءِ بورڈز کلاسز بندات کنگ ءِ سپارش کت۔ دیوان ءَ پیسلہ کنگ بوت کہ او ءُ اے لیول چکاس شیڈول ءِ رد ءَ بنت وھدیکہ اولی تبک ءَ بگر تاں ھشتمی تبک ائید ءَ تاں بند بنت۔
