اسلام آباد۔18اپریل (اے پی پی): بنجاھی وزیر بنی آدمی ھک ڈاکٹر شیریں مزاری ءَ برطانیہ ءَ پاکستان ءَ را کورونا ءِ ھوالگ ءَ ریڈ زون ءِ تہ ءَ ھوار کنگ ءِ بابت ءَ ھیال آنی درشانی ءَ کنان ءَ آئی ءَ گوشت کہ پاکستان ءَ را ریڈ زون ءَ ھوار کنگ پاکستانی ءُ پاکستان ءَ چہ لڑ ءُ بار کنوکیں برطانوی وطنی مردم آنی گوما ناروائیں سلوک ءِ درشان انت۔ وزارت ءِ بنی آدمی ھک آنی نیمگ ءَ یک شمبے ءِ روچ ءَ جاڑی بوتگیں بیان ءِ رد ءَ بنجاھی وزیر ءَ وتی یک ٹویٹے ءِ اندر ءَ گوشت کہ پاکستان ءَ را ریڈ زون ءِ لڑ ءَ ھوار کنگ پاکستانی ءُ پاکستان ءَ چہ لڑ ءُ بار کنوکیں برطانوی وطنی مردم آنی گوما ناروائیں سلوک ءِ درشان ءَ کنت۔ دومی نیمگ ءَ بھارت وڑیں ریاست ءَ را ریڈ زون ءَ ھوار کنگ نہ بوتگ ، آھوادا نوکیں نمونگے ءِ وائرس ءِ گوما کویڈ-19 ءِ شنگ ءُ تالانی گیشتر انت۔ آئی ءَ گوشت کہ برطانیہ ءَ قرنطینہ ءِ المی 10 روچ گوازینگ ءِ واستہ پاکستانی شہری آں 1750 پائونڈ یک مردم فیس داتگ ءُ ایشانی گوما ھمے واستہ نہ وشیں سلوک کنگ بوتگ پمشکہ کہ آ پاکستانی انت۔
