سعودی عرب ئِ انسانی حق انا رکھ ، آجوئی ، شرحالی و کمیونٹی نا شونداری کن اسہ مثال اس جوڑ کننگ کن پرعزم اُن، شاہ سلمان بن عبدالعزیز

ریاض۔ 20مارچ (اے پی پی) سعودی عرب نا فرمان رواو خادم الحرمین الشریفین شاہ سلمان بن عبدالعزیز ملک ئِ انسانی حق انا رکھ ، آجوئی ، شرحالی و کمیونٹی نا شونداری کن اسہ مثال اس جوڑ کننگ نا عزم انا اعادہ کرینے۔ سعودی اخبار نا رپورٹ نا رداٹ او داہیت ئِ رابطہ جہانی اسلامی نا کنڈآن اڈ ہلوک آ جہانی کانفرنس آن تران کرسا پارے۔ اوپارے کہ انسانی حق انا رکھ ، آجوئی ، شرحالی و کمیونٹی نا شونداری ئِ اسلامی تعلیم و سلامتی نا گرج آتے مون آ تخسا المی جوڑ کننگک۔ اوپارے کہ آجوئی اظہار بنداوی انسانی آجوئی تا جزو لاینفک ئِ و اسلام آجوئی اظہار نا مخ تف ئِ انتئے کہ اللہ تعالیٰ ہر انسان ئِ آجو ودی کرینے۔ خادم الحرمین الشریفین شاہ سلمان بن عبدالعزیز نا نوشتہ کروک آ تقریر ئِ گورنر مکہ خوانسا بنفے۔