نیویارک، نئی دہلی، ریوڈی جنیرو۔ 14اپریل (اے پی پی) مچ آ دنیا ٹی کورونا نا دین آن مرک آتا کچ 29 لکھ 72ہزار اسکان سرمس وخت اس کہ چندی ملک آتے ٹی ہلوک آ دین آن زہمی بندغ آتا کچ 13کروڑ 80 لکھ آن گدرینگانے۔ چارشنبے نادے آ امریکی میڈیا نا رداٹ دنیا نا چندی ملک آتے ٹی کورونا نا پک زہمی تا کچ 138056720ءِ، دین آن زہمی ملک آتے ٹی داتم اسکان 2972983بندغ زوال کرینو۔ مچ آ دنیا ٹی کورونا نا فعال زہمی تا کچ 23997425ءِ، کورونا دین آن امریکہ غٹ آن زیات زہمی مسنے۔ ملک اٹی کورونا دین انا سوب آن داتم اسکان جم زوال کروک آتا کچ دنیا ٹی ملک اسے آن غٹ آن زیات ءِ۔ برازیل کورونا دین آن مروک آ زوال کروک آتا لحاظ اٹ ارٹ میکو و ناجوڑ آتا بابت مسٹ میکو نمبرآٹے وخت اس کہ بھارت کورونا دین انا ناجوڑ آتا کچ انا اعتبار اٹ ارٹ میکو و میکسیکو زوال کروک آتا حساب وکتاب اٹ مسٹ میکو ترند زہمی ملک ءِ۔ امریکہ ٹی ہلوک آ کورونا دین آن زہمی بندغ آتا کچ 3کروڑ 20لکھ 70ہزار آن زیات ءِ۔ مچ آ ملک اٹی دین آن مرک آتا کچ 5لکھ 77 ہزار آن ودانے امریکہ ٹی کورونا دین انا ناجوڑ آتا جم کچ 32070784ءِ وخت اس کہ فعال زہمی تا کچ 6867195ءِ۔ امریکہ ٹی کورونا دین آن داتم اسکان 577179بندغ زوال کرینو۔ امریکہ ٹی کورونا دین آن داتم اسکان 577179بندغ زوال کرینو۔ امریکہ ٹی کورونا دین آن زہمی 24626410آن زیات بندغ دراخ جوڑ مسنو۔ لاطینی امریکہ نا ملک برازیل اٹی کورونا دین آن پین 3808مرک مسنے۔، برازیل اٹی ہلوک آ دین آن زوال کروک آتا کچ 3لکھ 58ہزار آن ودانے وخت اس کہ ملک اٹی ناجوڑ آتا کچ اسہ کروڑ 36لکھ اسکان سرمس۔ تدوک آ 24گھنٹہ ٹی کورونا دین انا 82186پوسکن ءُ کیس مون آ بسنے۔ برازیل اٹی کورونا دین انا پوسکن آ کیس آتیان پد پک ناجوڑآتا کچ 13601566ءِ۔ وزارت جان جوڑی نا کمامدار آتا پاننگ ءِ کہ ملک اٹی کورونا دین آن زوال کروک آتا جم کچ 358718ءِ وخت اس کہ چندی علاقہ غاتے ٹی داوخت آ کورونا دین انا 1168050فعال ناجوڑ ءُ۔ برازیل نا وزارت جان جوڑی نا حساب وکتاب نا رداٹ داتم اسکان 12074798آن زیات کورونا ناجوڑ دراخ جوڑ مسنو۔ بھارت اٹی کورونا دین انا اسہ لکھ 84ہزار آن زیات پوسکن ءُ کیس و 1027زوال کرینو وخت اس کہ زہمی تا جم کچ اسہ کروڑ 38لکھ 71ہزار آن گدرینگانے۔ ملک اٹی ہلوک آ کورونا دین انا تالانی پدریسہ برجاءِ۔ بھارتی وزارت جان جوڑی نا جاری حساب وکتاب نا رداٹ تدوک آ 24گھنٹہ ٹی ملک اٹی 184372پوسکن ءُ کیس رپورٹ مس ہراڑآن ملک اٹی کورونا زہمی تا جم کچ 13871321مسنے۔ داوخت آ پین 1027ناجوڑ آتا مرک آن کہوک آتا جم کچ 172115مسنے۔ بھارت اٹی کورونا دین انا فعال کیس آتا کچ 1366518ءِ۔
