واشنگٹن۔ 14اپریل (اے پی پی) امریکی صدر جوبائیڈن ایوان نمائندگان نا اسپیکرنینسی پیلوسی نا سلہ ءِ امنا کرسا تینا اقتدار نا 100 دے پورو مننگ آ 28اپریل آ کانگریس نا اسیجائی دیوان اٹی تران کننگ آ رضامندی نا درشانی ءِ کرینے۔ فرانسیسی خبررساں ادارہ نا رداٹ ایوان نمائندگان نا اسپیکر نینسی پیلوسی تدوک آ دے امریکی صدر جوبائیڈن ءِ سلہ خلک کہ او تینا اقتدار نا 100 دے پورو مننگ نا وخت آ 28اپریل آ کانگریس نا مروک آ اسیجائی دیوان اٹی بشخ ہلے و اود ے مون تروک چیلنج آتیا ہیت کے۔ داتقریر اسٹیٹ آف دی یونین تران مفک۔ وائٹ ہاؤس پارے کہ صدر کانگریس باسک آتیان تران نا اسپیکر نینسی پیلوسی نا سلہ ءِ امنا کرینے ہراٹی او تینا صدارت نا منصب نا 100 دے مہالو و پد انا حالیت آتیاہیت کیک۔ یات سلے کہ امریکی صدر رواں سال 20جنوری آ صدارت نا منصب نا سوغند ہرفیسس و اونا اقتدار ءِ 100دے پورو مننگ والا ءِ۔
