واشنگٹن۔ 09اپریل (اے پی پی) امریکہ ٹی ہلوک آ کورونا نا دین آن زہمی بندغ آتا کچ 3 کروڑ 17 لکھ 17ہزار آن زیات مسنے۔ جمعہ نادے آ امریکی میڈیا نا رداٹ مچ آ ملک اٹی دین آن مرک آتا کچ 5لکھ 73 ہزار آن ودانے۔ امریکہ ٹی کورونا دین انا ناجوڑ آتا جم کچ 31717404ءِ وخت اس کہ فعال زہمی تا کچ 6870679ءِ۔ کمامدارآتارداٹ ملک اٹی ہلوک آ دین آن زوال کروک آتا کچ اٹی پدریسہ ودکی مننگ ءِ، امریکہ کورونا دین آن غٹ آن زیات زہمی ملک ءِ ہراڑے جم زوال کروک آتا کچ دنیا ٹی پین ملک اسے آن بھاز زیات ءِ۔ امریکہ ٹی کورونا دین آن داتم اسکان 573856بندغ زوال کرینو۔ مچ آ دنیا ٹی کورونا دین انا سوب زوال کروک آتا کچ 29 لکھ 15 ہزار آن زیات مسنے۔ مچ آ دنیا ٹی کورونا دین انا ارٹ میکو و مسٹ میکو ریسہ ٹی ہم امریکہ ٹی غت آن زیات زوال مسنے۔ امریکہ ٹی کورونا دین آن زہمی 24272869آن زیات بندغ دراخ جوڑ مسنو۔ داہیت ذکر انا قابل ءِ کہ کورونا دین آن امریکہ نا کیلفورنیا، نیویارک و نیوجرسی تون اوار کیہی ریاست آک سخت زہمی مسنو۔ امریکہ ٹی مخلوق ءِ ہلوک آ کورونا دین آن بچفنگ کن داتم اسکان 17 کروڑ 14 لکھ زیات خور تننگانے۔ کیلیفورنیا ٹی داتم اسکان 60083، ٹیکساس اٹی 49168، و نیویارک اٹی 50388بندغ ہلوک آ دین آن زوال کرینو۔
