انقرہ۔ 06اپریل (اے پی پی) ترکی نا وزواپاری امور رخسار پیک جان پارینے کہ ڈی 8 ملک آک (ترکی، بنگلہ دیش، مصر، انڈونیشیا، ملائیشیا، نائیجیریا و پاکستان) نا نیام اٹ ڈیجیٹل اکانومی، ڈیجیٹلائزیشن و ای ٹریڈ کون آ اہم انگا بشخ آتیٹی تین پہ تینی کمکاری نا گرج ءِ۔ اوپارے ک بحیثیت ترکی نن دا وڑنا پوسکن آ بشخ آتیٹی ڈی 8 ملک آتون اسیجائی کارروائی کننگ کن تیار اُن۔ پیک جان 10می ڈی 8ڈھاکہ سرکڑدہ ئی دیوان نا دنگ اٹ آن لائن اڈ ہلوک آڈی 8 ٹریڈ فورم اٹ بشخ ہلک و دیوان آن تران کرے۔ اوپارے کہ ننے داگڑانا پبی شعور ارے کہ نن ڈی ایٹ اٹ اوار اسیجااقتصادی، تاریخی، راجی و دودوربیدگی خاصیت تخوک برادر ملک آتون اسہ اقتصادی فضااس جوڑ کننگ کینہ۔ اونا پاننگ ئس کہ ڈی 8و اقتصادی کمکارکمیٹی ٹی ننا اوار مننگ دااہمیت نا ڈیک ءِ کہ نن ہندا اقتصادی فضانا ٹہیفنگ ءِ اہمیت ایتنہ۔ رخسار پیک جان پارے کہ کورونا دین انا ودی کروک منفی زہم تا مقابل ملک آتا تین پہ تینی ہم گرنچی اٹ حرکت کننگ و تینا وسیلہ غاتے اسہ جاگہ غا جمع کننگ مدام کیہی زیات حیاتی اہمیت اختیار کرینے۔ نن کورونا ویکسین نا غٹ ملک آتیٹی بلااستثناء تقسیم کن اختیار کروک گام گیج آتون کمک کینہ۔
