اسلام آباد۔ 13مئی (اے پی پی) بنجائی وزیر واپار انجینئر خرم دستگیر سینیٹ ئِ پارینے کہ مسکوہی مسہ سال انا وخت پاکستان نا سارک ملک آتون واپار نا اوسطاََ سالانہ کچ 5630.74ملین امریکی ڈالر سلیس وخت اس کہ مسکوہی مسہ سال آتیٹی پاکستان و سری لنکا نا نیام اٹ واپار نا اوسطاََ سالانہ کچ 350.29ملین امریکی ڈالر ئِ۔ جمعہ آ ایوان بالا ٹی وقفہ سوج آتا وخت سینیٹر طلحہ محمود نا سوج انا ورندی ٹی وزیر واپار انجینئر خرم دستگیر پارے کہ پاکستان ساﺅتھ ایشین ایسوسی ایشن فار ریجنل کوآپریشن (سارک) ملک آتون ساﺅتھ ایشیافری ٹریڈ ایگریمنٹ نا معاہدہ غا دستخط کرینے۔ سری لنکا تون 2002 ءٹی فری ٹریڈ ایگریمنٹ آ دستخط کننگا۔ مسکوہی مسہ سال انا وخت پاکستان نا سارک ملک آتون واپارنا اوسطاََ سالانہ کچ 5630.74ملین امریکی ڈالر ئِ وخت اس کہ مسکوہی مسہ سال آتیٹی پاکستان وسری لنکا نا نیام اٹ واپار نا اوسطاََ سالانہ کچ 350.29ملین امریکی ڈالر ئِ۔ سینیٹر طلحہ محمود نا سوج انا ورندی ٹی او پارے کہ سیکورٹی معاملہ غاتا سوب سویلی ایشیانا ملک آتے ٹی تین پہ تین واپار کم ئِ۔ کیہی ملک بشمول، چین ، متحدہ عرب امارات، سعودی عرب، کویت، انڈونیشیا، جاپان، بھارت، اومان، ملائیشیا و تھائی لینڈ وغیرہ تون پاکستان نا واپار نا کچ کم مسنے۔ 50ملک آتون واپار نا توازن پاکستان نا حق اٹی ئِ۔ اوفتے ٹی امریکہ، یوکے، سپین ، بنگلہ دیش، سری لنکا ، اٹلی ، ویت نام تون اوار کیہی ملک آک اوارو ہراملک آتون واپار نا توازن ننا حق اٹی اف او ہندن ئُ ملک ئُ ہراکان نن تیل و ایلو گڑاتے درآمد کینہ۔ سینیٹر طلحہ محمود نا سوج انا ورندی ٹی وزیر مملکت واپار انجینئر خرم دستگیر پارے کہ ملکی برآمدات درآمدات آن کم ئِ۔ جولائی آن مارچ 2014-15ءننا برآمدات 17.72ارب ڈالر و درآمدات 33.94وخت اس کہ جولائی آن مارچ 2015-16ءبرآمدات 15.06ارب ڈالر و درآمدات 32.49ارب ڈالر ئِ۔
