اسلام آباد۔ 13مئی (اے پی پی) وزیر مملکت کیڈ طارق فضل چوہدری پارینے کہ اسلام آباد زون فور اٹی طاقت ناکاریم اٹ اتنگ آن زیرِ کوزہ ڈغار تے واگزار کرفنگ ممکن افک، دا چرجوئی ٹی پالیسی اس جوڑ کننگ انگ ئِ۔ جمعہ آ ایوان بالا نا دیوان اٹی وقفہ سوج آتا وخت سینیٹر چوہدری تنویر خان نا سوج اناورندی ٹی وزیر مملکت کیڈ طارق فضل چوہدری پارے کہ 1960 ءٹی سی ڈی اے نا وجود اٹی بننگ آن پد زون فوت اٹی سی ڈی اے ادائیگی نا باوجود مالکان آتیان کوزہ ئِ ہلتو۔ داسا داآبادیک بھاز ودانو۔ طاقت اٹ کوزہ ہلنگ ممکن اف۔ دا چرجوئی ٹی پالیسی اس جوڑ کننگ انگ ئِ۔ داسا پوسکن آ سیکٹر تیٹی بدلہ ٹی ڈغار تننگک۔ لینڈ شیئرنگ پالیسی نا رداٹ نوسیکٹرز ای 13، ڈی 13، ایف 13، سی 13، سی 14، سی 15، سی6، ایچ 16 و آئی 17دوئی کننگانو۔ زہمی و کوزہ گر آتے ٹی پرخ کروئی مرے۔ کیہی آبائی ڈغار والاک موضع جات آتا ادائیگی داسکاہم سلوک ئِ۔ گڈ اٹی ہراک بریسہ ڈغارتیا کوزہ کریر اوفتا معاملہ جتائِ۔
