اسلام آباد۔ 13مئی (اے پی پی) مسلم لیگ (ن) نا باسک کیپٹن (ر) محمد صفدر پارینے کہ عمران خان کنا و کنا خاہوت نا برخلاف دوتے ہرفینے، اونا برخلاف ہرجانہ نا داواہئِ کیوہ ، ملک انا آخبت نا فیصلہ ٹاک شوز اٹی تولیسہ مننگ کپک، لکھ آ روپئی اشتہار آتامداٹی مچ کروک آتیان ہریفنگے کہ او اخس خراج ادا کیرہ۔ عمران خان راولپنڈی وخت اس کہ ای مانسہرہ نا نشستئِ ہلیوہ، مقابلہ نا چیلنج کیوہ، کنا قائد آ اسہ پیسہ سینا کرپشن ثابت مس تو غٹ آن مست ای استیفہ ایتیوہ۔ جمعہ آ قومی اسمبلی ٹی اعتراضی ٹک آ کیپٹن (ر) محمد صفدر پارے کہ پارلیمنٹ کانود ساز ادارہ اسے۔ اوپارے کہ کنا خاہوت نا میرات آک 1872اٹی ڈکلیئر مسوسر۔ دا میرات آک تاج برطانیہ آن بغاوت نا سوب ننے آن پلنگار۔ اوپارے کہ عمران خان کنا ذات و کناخاہوت آ دوتے بڑزاکرینے۔ اسپیکر نا ذریعہ سپریم کورٹ اٹی عمران خان آ اسہ ارب روپئی ہرجانہ نا داواہ ئِ کیوہ۔ اوپارے کہ کنا قائد آ اسہ پیسہ سینا کرپشن ثابت مس تو غٹ آن مست ای استیفہ ایتیوہ۔ اوپارے کہ نواب زادہ صلاح الدین سعید عمران خان نا پاننگ آ کنا برخلاف درخواست تسوسس ۔ اوپارے کہ پشاور نا غیور خلقت آک مسلم لیگ (ن) نا اومیت دار ئِ سرسہبی آن ہمکنار کریسہ ننے آ پت انا درشانی ئِ کرینو۔ اوعمران خان ئِ چیلنج کرے کہ نی پنڈی نا نشست ئِ ہلے ای مانسہرہ نا سیٹ ئِ ہلیوہ۔ الس فیصلہ کیک کہ دیر سہی ئِ و دیر غلط ئِ۔ اوپارے کہ عمران خان و اونا جماعت سی پیک ڈٹ انا برخلاف سازش کننگ ئُ۔
