واشنگٹن۔ 22 مارچ (اے پی پی) امریکہ ٹی ہلوک آ کورونا نا دین آن زہمی بندغ آتا کچ 3 کروڑ پنچ لکھ 21 ہزار آن زیات مس وخت اس کہ مچ آ ملک اٹی 12 کروڑ 14 لکھ بندغ آتے کورونا غان رکھ کننگ کن ویکسین خلنگانے۔ دوشنبے نادے آ امریکی میڈیا نا رداٹ مچ آ ملک اٹی دین آن مرک آتا کچ 5 لکھ 55 ہزار آن گدرینگانے۔ امریکہ ٹی کورونا دین انا ناجوڑ آتا جم کچ 30521765 ءِ وخت اس کہ فعال زہمی تا کچ 7212199ءِ۔ کمامدارآتا رداٹ ملک اٹی ہلوک آ دین آن زوال کروک آتا کچ اٹی پدریسہ ودکی مننگ ءِ، امریکہ کورونا نا دین آن غٹ آن زیات زہمی ملک ءِ، ہراڑے جم زوال کروک آتا کچ دنیا ٹی پین ملک اسے آن بھاز زیات ءِ۔ امریکہ ٹی کورونا نا دین آن داتم اسکان 555314بندغ زوال کرینو۔ مچ آ دنیا ٹی کورونا دین انا سوب آن زوال کروک آتا کچ 27 لکھ 28 ہزارآن زیات مسنے۔ مچ آ دنیا ٹی کورونا دین انا ارٹ میکو ریسہ ٹی ہم امریکہ ٹی غٹ آن زیات زوال مسنے۔ امریکہ ٹی کورونا دین آن زہمی 22754252آن زیات بندغ دراخ جوڑ مسنو۔ امریکہ ٹی داتم اسکان 121441497بندغ ءِ کورونا غان رکھ تخنگ کن ویکسین خلنگانے۔ داہیت ذکر انا قابل ءِ کہ کورونا دین آن امریکہ نا کیلفورنیا، نیویارک و نیوجرسی تون اوار کیہی ریاست سخت زہمی مسنو۔ کورونا نا دین آن کیلیفورنیا ٹی 57502بندغ زوال کرینو وخت اس کہ نیویارک اٹی زوال کروک آتا کچ 49426، ٹیکسٹائل اٹی 47346، فلوریڈاٹی 32742و نیوجرسی ٹی 24174ءِ۔

متعلقہ مضامینمصنف کی طرف سے مزید