جنیوا۔ 19 مارچ (اے پی پی) اقوام متحدہ پارینے کہ جہانی اقتصادی شرح نمو اینخو سال (2021) اٹی 4.7 درسد مننگ نا گمان ءِ۔ تاس نیوز اقوام متحدہ نا کانفرنس واپار و شونداری (یو این سی ٹی اے ڈی) نا حوال نا بابت پارے کہ اینخو سال جہانی اقتصادی شرح نمو 4.7 درسد مننگ نا گمان ءِ، داکان مست ستمبر 2020ء ٹی ساڑی سال انا اقتصادی شرح نمو 4.3 درسد مننگ نا گمان ظاہر کننگاسس۔ اوپارے کہ جہانی اقتصادی شرح نمو نا ٹک آتیٹی ودکی نا سوب آن امریکہ ٹی ترند کورونا ویکسینیشن نا سوب آن ترندی اٹ اقتصادی بحالی و ساڑی حکومت نا کورونا زہمی ملکی زرگزران کن 1.9 ٹریلین ڈالر نا ریلیف پیکج ءِ۔ چاہندار آتا پاننگ ءِ کہ اقوام متحدہ نا نیام اٹ کثیر الجہتی کمکاری ٹی پدریسہ کمتی نا چکار و بے بریبری آن ودی مروک آ ویل آتا ایسری ٹی است خواہی مفننگ شونداری نا مسخت نا دوئی کننگ اٹ بھلو اڑاند اسے۔
