نیویارک، نئی دہلی، میکسیکو سٹی، ریوڈی جنیرو۔ 15مارچ (اے پی پی) مچ آ دنیا ٹی کورونا نا دین آن مرک آتا کچ 26 لکھ 66 ہزار اسکان سرمس وخت اس کہ چندی ملک آتیٹی ہلوک آ دین آن زہمی بندغ آتا کچ 12 کروڑ 4 لکھ آن گدرینگانے۔ دوشنبے نادے آ امریکی میڈیا نا رداٹ دنیا نا چندی ملک آتیٹی کورونا دین انا پک زہمی تا کچ 120452648ءِ، دین آن زہمی ملک آتیٹی داتم اسکان 2666125بندغ زوال کرینو۔ مچ آدنیا ٹی کورونا نا فعال زہمی تا کچ 20792378ءِ، کورونا نا دین آن امریکہ غٹ آن زیات زہمی مسنے۔ ملک اٹی کورونا دین انا سوب داتم اسکان جم زوال کروک آتا کچ دنیا ملک آتیان غٹ آن زیات ءِ۔ برازیل کورونا دین آن مروک آ زوال کروک آتا لحاظ اٹ ارٹ میکو و ناجوڑ آتا ابت مسٹ میکو نمبر آٹی ءِ وخت اس کہ بھارت کورونا دین انا ناجوڑ آتا کچ انا اعتبار اٹ ارٹ میکو و میکسیکو زوال کروک آتا حساب وکتاب اٹ مسٹ میکو زیات زہمی ملک ءِ۔ امریکہ ٹی کورونا نا دین آن زہمی بندغ آتا کچ 3 کروڑ 81 ہزار آن زیات مسنے۔ مچ آ ملک اٹی دین آن مرک آتا کچ 5 لکھ 47 ہزار آن زیات ءِ۔ امریکہ ٹی کورونا نا نوجوڑ آتا جم کچ 30081657ءِ وخت اس کہ فعال زہمی تا کچ 7365186ءِ۔ کمامدارآتارداٹ ملک اٹی ہلوک آ دین آن زوال کروک آتا کچ اٹی پدریسہ ودکی مننگ ءِ، امریکہ ٹی کورونا نا دین آن داتم اسکان 547234بندغ زوال کرینو۔ ایڑے برازیل اٹی کورونا دین آن مرک آتا کچ 2 لکھ 78 ہزار آن گدرینگانے وخت اس کہ مچ آ ملک اٹی ناجوڑ آتا کچ اسہ کروڑ 14 لکھ 83 ہزار اسکان سرمس۔ ملک اٹی کورونا دین انا پوسکن آ کیس آتیان پد پک ناجوڑ آتا کچ 11483370ءِ۔ برازیل اٹی کورونا دین آن زوال کروک آتا کچ 278327ءِ، ملک اٹی داوخت آ کورونا دین انا 1141235فعال ناجوڑ ءُ۔ میکسیکو ٹی کورونا نا دین آن مرک آتا کچ اسہ لکھ 94 ہزار آن زیات ءِ۔ کمامدارآتارداٹ ملک اٹی کورونا دین آن مرک آتا کچ 194710اسکان سرمسنے وخت اس کہ ہلوک آ دین انا ناجوڑ اتا جم کچ 2166290ءِ۔ میکسیکو ٹی کورونا نا فعال زہمی تا کچ 265837ءِ، ملک اٹی کورونا دین آن زہمی 1705743آن زیات بندغ داتم اسکان دراخ جوڑ مسنو۔ ارجنٹائن اٹ ہلوک آ دین آن زوال کروک آتا کچ 53 لکھ آن گدرینگانے۔ ارجنٹائن اٹ کورونا دین آن داتم اسکان 21 لکھ 95 ہزار آن زیات بندغ زہمی مسنو۔ ارجنٹائن اٹی کورونا دین انا پوسکن آ کیس آتیان پد ناجوڑ آتا کچ 2195722وخت اس کہ کہوک آتا پک کچ 53670ءِ۔ وزارت جان جوڑی نا کمامدارآتارداٹ ملک اٹی داوخت آ کورونا دین انا 155149فعال ناجوڑ ءُ۔

متعلقہ مضامینمصنف کی طرف سے مزید