جکارتہ۔ 09 مارچ (اے پی پی) انڈونیشیا ٹی ابوظہبی نا شیخ زاید جامع مسجد نا وڑآ تفوک آ مسیت نا بنداو ءِ تخنگانے۔ دود اٹی متحدہ عرب امارات نا بڑزکو عہدیدار آک بشخ ہلکر۔ عرب نیوز نا رداٹ دا مسیت ءِ انڈونیشیا ناصوبہ جاوانا مرکزی شار سولوٹی تفنگک ہرا صدر جوکوویدودو نا باوہ پیرہ ئی آ شار ہم ارے۔ ابوظہبی نا غٹ آن بھلا شیخ زاہد مسیت نا نقل ءِ ابوظہبی نا ولی عہد محمد بن زید النہیان جولائی 2019ء ٹی دورہ جکارتہ ٹی صدر جوکوویدودوءِ ٹیکی ٹی پیش کریسس۔ ولی عہد نا باوہ زید بن سلطان النہیان نا 1990ء نا دورہ انڈونیشیا غان پد آن اولیکو وار اماراتی راہشون اس انڈونیشیا نا دورہ ءِ کریسس۔ امارات اٹ تعینات انڈونیشیا نا سفیر حسن باگیس پارے کہ دا مسیت سد درسد ابوظہبی نا شیخ زید مسیت نا نقل مریک وخت اس کہ مسیت نا زیب وزینت ءِ انڈونیشیا نا بیرفوک گڑاتے اٹ کننگک۔

متعلقہ مضامینمصنف کی طرف سے مزید