بیجنگ۔ 23 فروری (اے پی پی) چین نا وزیر خارجہ وانگ یی بیجنگ اٹ ویڈیو لنک انا کمک اٹ اقوام متحدہ نا انسانی حق کونسل نا 46 می سیشن نا بڑزکو کہولی دیوان اٹی بشخ ہلک۔ وانگ ای کوویڈ۔ 19 دین انا رداٹ انسانی حق انا مون آ دننگ و رکھ انا بابت چین نا موقف ءِ پیش کرسا چار ٹک پیش کرے۔ اولیکو، انسای حق انا چرجوئی ٹی الس ءِ مرکزی حیثیت تننگ نا تصور آ سلنگ، ارٹ میکو، چندی ملک آتا خاص حالیت آتا رداٹ انسانی حق انا تصور آ عملدرآمد کننگ، مسٹ میکو، انسانیحق انا رکھ انا عمل ءِ جامع وڑٹ مون آ دننگ و چارمیکو، جہانی انسانی حق انا ہیت وگپ و کمکاریءِ مون آ دننگ نا ءِ۔ وانگ یی مستی پارے کہ چینی کمیونسٹ پارٹی نا کماشی ٹی چین چینی خصوصیت تخوک سوشلزم نا اسہ ہندن ءُ سرسہب کسر اس ہَلنگے ہرا چین نا خاص حالیت و انسانی حق انا رداٹ ءِ۔ اوپارے کہ کوویڈ۔ 19 دین اتون مون ترسا چینی حکومت مدام الس نا رکھ و جان جوڑی ءِ اولیت تسنے و انسانی جان نا عظمت و وقار نا رکھ ءِ کرینے۔ اوپارے کہ کورونا ویکسین الس نا جان جوڑی، بقا و شونداری نا حق اتون تعلق تخک۔ ہنداخاطرآن جہانی کہول آ ویکسین تا ساف بشخنگ بھاز المی ءِ، خاص وڑاٹ پدتموک ملک آتیٹی ویکسین نا دستیابی ءِ پک کننگے۔ وانگ یی داہیت آ زور شاغا کہ چین انسانی حق انا باندات نا کمک اٹ ایلو ملک آتا داخلی باندات آتیٹی نیام تمنگ نا مخالفت کیک۔ سنکیانگ اٹ اسُل نسل کشی، جبری مشقت یا مذہبی ظلم متنے۔
