نیویارک، میکسیکو سٹی، نئی دہلی، ریوڈی جنیرو۔ 22 فروری(اے پی پی) مچ آ دنیا ٹی کورونا نا دین آن مرک آتا کچ 24 لکھ 78 ہزار اسکان سرمس وخت اس کہ چندی ملک آتیٹی ہلوک آ دین آن زہمی بندغ آتا کچ 11 کروڑ 11 لکھ آن گدرینگانے۔ دوشنبے نادے آ امریکی میڈیا نا رداٹ دنیا نا چندی ملک آتیٹی کورونا دین انا پک زہمی تا کچ 11196282ءِ، دین آن زہمی ملک آتیٹی داتم اسکان 2478165بندغ زوال کرینو۔ مچ آ دنیا ٹی داوخت آ کورونا نا فعال زہمی تا کچ 22148594ءِ۔ کورونا نا دین آن امریکہ غٹ آن زیات زہمی مسنے، ملک اٹی کورونا دین انا سوب داتم اسکان جم زوال کروک آتا کچ دنیا ٹی پین ملک اسے آن زیات ءِ۔ برازیل کورونا دین آن مروک آ زوال کروک آتا کچ اٹ ارٹ میکو و ناجوڑ آتا بابت مسٹ میکو نمبر آٹی ءِ وخت اس کہ میکسیکو زوال کروک آتا بابت مسٹ میکو ملک ءِ۔ بھارت کورونا دین انا ناجوڑ آتا کچ انا اعتبار اٹ ارٹ میکو و زوال کروک آتا حساب وکتاب اٹ چارمیکو بھاز زہمی ملک ءِ۔ امریکہ ٹی کورونا دین انا ناجوڑآتا کچ 2 کروڑ 87 لکھ آن گدرینگانے وخت اس کہ ملک اٹی زوال کروک آتا کچ پنچ لکھ 11 ہزار اسکان سرمسنے۔ 28765423پک زہمی تتون امریکہ داوخت آ دنیا ٹی کورونا دین انا غٹ آن بھلا مرکز و زہمی ملک ءِ۔ امریکی محکمہ جان جوڑی نا رداٹ ملک اٹی کورونا دین آن داتم اساکن 2 کروڑ 87 لکھ 65 ہزار آن زیات بندغ زہمی مسنو۔ امریکہ ٹی ہلوک آ دین آن زوال کروک آتا کچ اٹ ساڑی آ ہفتہ ٹی ودکی مسنے۔ امریکی محکمہ جان جوڑی نا رداٹ ملک اٹ کورونا دین انا فعال ناجوڑ آتا کچ 9281100ءِ۔ امریکہ ٹی ہلوک آ کورونا نا دین آن داتم اسکان جم وڑاٹ 511133بندغ زوال کرینو۔ لاطینی امریکی ملک برازیل اٹ ہلوک آ کورونا دین انا ناجوڑ آتا کچ اسہ کروڑ اسہ لکھ آن گدرینگانے۔ برازیل اٹ کورونا دین انا پوسکن آ کیس آتیان پد پک ناجوڑ آتا کچ 10168174اسکان سرمسنے۔ برازیل اٹ کورونا نا دین آن زوال کروک آتا کچ پدریسہ ودنگ ءِ، ملک اٹ کورونا دین آن داتم اسکان جم وڑاٹ 246560بندغ زوال کرینو۔ برازیل اٹ داوخت آ کورونا دین انا 826131فعال ناجوڑ ءُ۔ ایڑے میکسیکو ٹی کورونا دین آن زہمی بندغ آتا کچ 20 لکھ 38 ہزار اسکان سرمسنے وخت اس کہ ملک اٹی ہلوک آ دین آن داتم اسکان اسہ لکھ 80 ہزار آن زیات بندغ زوال کرینو۔ میکسیکو ٹی کورونا دین آن 2038276بندغ زہمی مسنو۔ میکسیکو ٹی کورونا دین آن زوال کروک آتا کچ اسہ لکھ 80 ہزار اسکان سرمسنے، ملک اٹ داوخت آ کورونا دین انا 267783 فعال ناجوڑ ءُ۔ بھارت اٹ کورونا دین انا زہمی تا کچ اسہ کروڑ 10 لکھ آن ودانے، ملک اٹ کورونا دین آن داتم اسکان اسہ لکھ 56 ہزار چار سد آن زیات بندغ زوال کرینو۔ ملک اٹ کورونا دین انا زہمی تا جم کچ 11005850وخت اس کہ فعال کیس آتا کچ 150022ءِ۔ کمامدارآتارداٹ بھارت اٹ کورونا دین انا فعال کیس آتیٹی ودکی مننگ ءِ۔ سرکاری حساب وکتاب نا رداٹ بھارت اٹ کورونا دین آن داتم اسکان 156418 بندغ زوال کرینو۔ کمامدارآتارداٹ بھارت اٹ داتم اسکان اسہ کروڑ 10 لکھ آن زیات بندغ ءِ کورونا دین آن بچفنگ کن ویکسین خلنگانے۔
